രമേശ് പിഷാരടി ഒരുക്കിയ പഞ്ചവർണ്ണ തത്ത എന്ന ചിത്രം നേടിയ സൂപ്പർ വിജയത്തോടെ ഒരു താരം എന്ന നിലയിലും നടൻ എന്ന നിലയിലും മികച്ച തിരിച്ചു വരവ് നടത്തിയ ജയറാം , തന്റെ പുതിയ ചിത്രം തുടങ്ങാൻ പോവുകയാണ്. ലിയോ തദേവൂസ് ഒരുക്കുന്ന ലോനപ്പന്റെ മാമോദീസ എന്ന ചിത്രത്തിലാണ് അടുത്തതായി ജയറാം അഭിനയിക്കാൻ പോകുന്നത്. സെപ്റ്റംബർ അഞ്ചാം തീയതി അങ്കമാലിയിൽ ആരംഭിക്കാൻ പോകുന്ന ഈ ചിത്രത്തിലെ നായികാ വേഷം ചെയ്യുന്നത് അങ്കമാലി ഡയറീസ് എന്ന ലിജോ ജോസ് പെല്ലിശ്ശേരി ചിത്രത്തിലൂടെ അരങ്ങേറിയ അന്നാ രാജൻ ആണ്. മോഹൻലാലിനൊപ്പം വെളിപാടിന്റെ പുസ്തകം, ധ്യാൻ ശ്രീനിവാസനൊപ്പം സച്ചിൻ എന്നീ ചിത്രങ്ങളിലും അന്ന അതിനു ശേഷം അഭിനയിച്ചിരുന്നു.
അന്നാ രാജനെ കൂടാതെ മറ്റൊരു നായിക കൂടി ഈ ജയറാം ചിത്രത്തിൽ ഉണ്ടാവും എന്നാണ് സൂചന. പെൻ ആൻഡ് പേപ്പർ ക്രീയേഷന്സിന്റെ ബാനറിൽ ഷിംനോയ് മാത്യു ആണ് ഈ ചിത്രം നിർമ്മിക്കുന്നത്. അതുപോലെ തന്നെ, ഒരുപാട് വർഷങ്ങൾക്കു ശേഷം പ്രശസ്ത നടി ശാന്തി കൃഷ്ണ ജയറാമിനൊപ്പം അഭിനയിക്കാൻ പോകുന്ന ചിത്രവുമാണ് ലോനപ്പന്റെ മാമോദീസ. തിരിച്ചു വരവിനു ശേഷം ഒട്ടേറെ മലയാള ചിത്രങ്ങളുടെ ഭാഗമാണ് ശാന്തി കൃഷ്ണ. ഇവ പവിത്രൻ, നിഷ സാരംഗ്, ദിലീഷ് പോത്തൻ, ഹാരിഷ് കണാരൻ, ഇന്നസെന്റ്, അലെൻസിയർ, ജോജു ജോർജ്, നിയാസ് ബക്കർ തുടങി ഒരു വലിയ താര നിര തന്നെ ഈ ചിത്രത്തിന്റെ ഭാഗമാണ്. സുധീർ സുരേന്ദ്രൻ ഛായാഗ്രഹണം നിർവഹിക്കുന്ന ഈ ചിത്രം ഈ വർഷം ക്രിസ്മസിനോ അല്ലെങ്കിൽ അടുത്ത വർഷം ആദ്യമോ റിലീസ് ചെയ്യാൻ പാകത്തിനാണ് ഒരുക്കാൻ പ്ലാൻ ചെയ്യുന്നത്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
രഞ്ജിത്ത് സജീവ്, ജോണി ആന്റണി,സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട ജയൻ എന്നീ ചിത്രങ്ങൾക്ക്…
കഴിഞ്ഞ അഞ്ച് വർഷത്തിനിടയിൽ, മലയാള ചലച്ചിത്രമേഖലയിലെ ഏറ്റവും മികച്ച സംഗീതസംവിധായകരിൽ ഒരാളായി മാറിയിരുക്കുകയാണ് ജേക്സ് ബിജോയ്. ടൊവിനോ തോമസിനെ കേന്ദ്ര…
ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത നരിവേട്ട ഇപ്പോൾ തിയറ്ററുകളിൽ ട്രെൻഡിങ്ങായി മുന്നേറുകയാണ്. ചിത്രത്തിന്റെ കളക്ഷൻ റിപ്പോർട്ട്…
ടൊവിനോ തോമസ് പ്രധാന വേഷത്തില് എത്തി അനുരാജ് മനോഹര് സംവിധാനം ചെയ്ത പൊളിറ്റിക്കല് സോഷ്യോ ത്രില്ലറായ നരിവേട്ട എങ്ങും വൻ…
This website uses cookies.