പത്ത് വർഷങ്ങൾക്ക് ശേഷം മോഹൻലാലുമായി ഒന്നിക്കുന്ന സന്തോഷം പങ്കുവെച്ചു പ്രേം കുമാർ… .

കംപ്ലീറ്റ് ആക്ടർ മോഹൻലാലിന് കേരളത്തിൽ എന്നപ്പോലെ അന്യഭാഷകളിലും വൻ സ്വീകരിതയാണ് ലഭിക്കുന്നത്. ചക്രി ടോലെതി സംവിധാനം ചെയ്ത ചിത്രമാണ് ‘ഉന്നയ് പോൾ ഒരുവൻ’, കമൽ ഹാസനും- മോഹൻലാൽ ചേർന്ന് മികച്ച പ്രകടനം കാഴ്ച്ചവെച്ച ചിത്രം പ്രേക്ഷകർ ഇരുകൈയും നീട്ടി സ്വീകരിക്കുകയും ചെയ്തിരുന്നു. മോഹൻലാലിന്റെ അസിസ്റ്റന്റായി ചിത്രത്തിൽ വേഷമിട്ട പ്രേം കുമാർ വീണ്ടും 10 വർഷങ്ങൾക്ക് വീണ്ടും മോഹൻലാലുമായി ഒന്നിക്കുകയാണ്. കെ വി ആനന്ദ് ചിത്രത്തിലാണ് ഇരുവരും വീണ്ടും ഒന്നിക്കുന്നത്.

മോഹൻലാലിനൊപ്പം വീണ്ടും അഭിനയിക്കാൻ അവസരം ലഭിച്ച സന്തോഷം പ്രേം കുമാർ ട്വിറ്ററിൽ പങ്ക് വെക്കുകയുണ്ടായി. സ്വപ്നങ്ങൾ യാഥാർഥ്യമായത് രണ്ട് പ്രാവശ്യമാണെന്നും, മോഹൻലാലിനൊപ്പം വർക്ക് ചെയ്യാൻ സാധിച്ചത് തന്റെ ഭാഗ്യമാണെന് പ്രേം കുമാർ ട്വിറ്ററിൽ പങ്കുവെക്കുകയുണ്ടായി. എ.ആർ മുരുഗദോസ് വിജയ് കൂട്ടുകെട്ടിൽ ഒരുങ്ങുന്ന ‘സർക്കാർ’ സിനിമയിൽ പ്രധാന വേഷം പ്രേം കൈകാര്യം ചെയ്യുന്നുണ്ട്. ഒരേ സമയം വിജയ്- സൂര്യ ചിത്രങ്ങളിലാണ് പ്രേം അഭിനയിച്ചു കൊണ്ടിരിക്കുന്നത്. സൂര്യയുമായി പ്രേം കുമാർ സിങ്കം 3 യിൽ ഒരുമിച്ചു അഭിനയിച്ചിരുന്നു വീണ്ടും കെ. വി ആനന്ദ് ചിത്രത്തിൽ വലിയ താരനിരയോടപ്പം പ്രേം പ്രധാന വേഷത്തിലെത്തുന്നു എന്നതും ഒരു പ്രത്യേകതയാണ്.

ഈ വർഷം സൗത്ത് ഇന്ത്യൻ സിനിമ പ്രേമികൾ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ‘സൂര്യ37’. സൂര്യ, മോഹൻലാൽ, അല്ലു സിരിഷ് തുടങ്ങിയവർ കേന്ദ്ര കഥാപാത്രങ്ങളായി അവതരിപ്പിക്കുന്ന ചിത്രത്തിൽ സയേഷയാണ് നായികയായി എത്തുന്നത്. തമിഴ് നടൻ ആര്യയാണ് വില്ലൻ വേഷം കൈകാര്യം ചെയ്യുന്നതെന്നും സൂചനയുണ്ട്. 2.0 ശേഷം ലൈക്കാ പ്രൊഡക്ഷന്റെ ബാനറിലായിരിക്കും ചിത്രം പ്രദർശനത്തിനെത്തുന്നത്