നിവിനും ദുൽഖറിനും ടോവിനോക്കും ശേഷം ഇനി ആ നേട്ടം ഷെയിൻ നിഗമിന്

മലയാള സിനിമയുടെ മുൻനിരയിൽ ഉള്ള യുവ താരങ്ങൾ സ്വന്തമാക്കിയ നേട്ടം ഇന്ന് മുതൽ ഷെയിൻ നിഗമിനും സ്വന്തം. മലയാള സിനിമയുടെ മുൻനിരയിലേക്ക് ഉയർന്നു വരുന്ന താരമായ ഷെയിൻ നിഗമിനാണ് മലയാളത്തിൽ നിന്ന് ഈ വർഷത്തെ ബിഹൈൻഡ് വുഡ്‌സ് ഗോൾഡ് മെഡൽ ലഭിക്കാൻ പോകുന്നത്. കുമ്പളങ്ങി നൈറ്റ്സ്, ഇഷ്‌ക് എന്നീ ചിത്രങ്ങളിലെ പ്രകടനം ആണ് ഈ യുവ താരത്തിനെ ഈ നേട്ടത്തിന് അര്ഹനാക്കിയിരിക്കുന്നതു എന്നാണ് സൂചന. ഇതിനു മുൻപ് മലയാളത്തിൽ നിന്ന് ഈ നേട്ടം സ്വന്തമാക്കിയ യുവ താരങ്ങൾ നിവിൻ പോളി, ദുൽഖർ സൽമാൻ, ടോവിനോ തോമസ് എന്നിവർ ആണ്. 2015 ലും 2016 ലും ആണ് നിവിൻ പോളി ബിഹൈൻഡ് വുഡ്‌സ് അവാർഡ് നേടിയത്. 2015 ഇൽ പ്രേമം എന്ന ചിത്രത്തിലൂടെ പേഴ്സൺ ഓഫ് ദി ഇയർ എന്ന അവാർഡ് നേടിയ നിവിൻ അടുത്ത വർഷം തന്നെ ആക്ഷൻ ഹീറോ ബിജു എന്ന ചിത്രത്തിലെ പ്രകടനത്തിലൂടെ ബെസ്റ്റ് ആക്ടർ അവാർഡും നേടി.

ദുൽകർ സൽമാൻ ഈ അവാർഡ് നേടിയത് 2017 ഇൽ ആണ്. കലി, കമ്മട്ടിപ്പാടം എന്നീ ചിത്രങ്ങളിലെ പ്രകടനം ആണ് ദുൽഖറിന് ബെസ്റ്റ് പെർഫോർമർ കാറ്റഗറിയിൽ ബിഹൈൻഡ് വുഡ്‌സ് അവാർഡ് നേടിക്കൊടുത്തത്. 2018 ഇൽ ടോവിനോ തോമസും ബിഹൈൻഡ് വുഡ്‌സ് അവാർഡ് നേടി. മായാനദി, ഗോദ, ഒരു മെക്സിക്കൻ അപാരത എന്നീ ചിത്രങ്ങളിലെ പ്രകടനത്തിന് മികച്ച നടനുള്ള ക്രിട്ടിക്സ് ചോയ്സ് അവാർഡ് ആണ് ടോവിനോക്കു ലഭിച്ചത്. ഇപ്പോൾ ഈ നേട്ടം സ്വന്തമാക്കാൻ പോകുന്ന ഷെയിൻ നിഗം മലയാള സിനിമയുടെ യുവ താരനിരയിലെ തന്റെ സ്ഥാനം ഒരിക്കൽ കൂടി അരക്കിട്ടുറപ്പിക്കുകയാണ്.