നടി ഷംന കാസിം വിവാഹിതയാകുന്നു; ചിത്രങ്ങളിതാ

പ്രശസ്ത മലയാള നടിയായ ഷംന കാസിം എന്ന പൂർണ്ണ മലയാളത്തിന് പുറമെ തമിഴ്, തെലുങ്കു, കന്നഡ ചിത്രങ്ങളിലും അഭിനയിച്ചു പ്രേക്ഷക ശ്രദ്ധ നേടിയ താരമാണ്. ഇപ്പോഴിതാ ഈ നായികാ താരം വിവാഹിതയാകാൻ പോവുകയാണ്. ഷംന തന്നെയാണ് തന്റെ സോഷ്യൽ മീഡിയ പ്രൊഫൈലിലൂടെ ഈ വിവരം ആരാധകരെ അറിയിച്ചത്. അതോടൊപ്പം തന്റെ ഭാവി വരനൊപ്പമുള്ള ചിത്രങ്ങളും ഷംന പങ്കു വെച്ചിട്ടുണ്ട്. ജെബിഎസ് ഗ്രൂപ്പ് കമ്പനിയുടെ ഫൗണ്ടറും സിഇഒയുമായ ഷാനിദ് ആസിഫ് അലിയാണ് ഷംനയുടെ വരൻ. ഇവരുടെ വിവാഹ നിശ്ചയം കഴിഞ്ഞു. അതിന്റെ ചിത്രങ്ങൾ പങ്കു വെച്ച് കൊണ്ട് ഷംന കുറിച്ചത്, ഇരു കുടുംബാംഗങ്ങളെയും അനുഗ്രഹത്തോടു കൂടി ജീവിതത്തിന്റെ പുതിയൊരു അധ്യായത്തിലേയ്ക്ക് കടക്കുകയാണെന്നാണ്. കണ്ണൂർ സ്വദേശിയായ ഷംന കാസിം, ഏറ്റവുമാദ്യം നൃത്തസംബന്ധമായ റിയാലിറ്റി ഷോയിലൂടെയാണ് വലിയ പ്രേക്ഷക ശ്രദ്ധ നേടിയെടുത്തത്.

2004 ഇൽ മഞ്ഞു പോലൊരു പെൺകുട്ടി എന്ന ചിത്രത്തിലൂടെയാണ് ഷംന കാസിം മലയാള സിനിമയിലരങ്ങേറ്റം കുറിച്ചത്. ശേഷം നായികാ വേഷത്തിലും അല്ലാതെയും ഒട്ടേറെ ചിത്രങ്ങളിൽ അഭിനയിച്ച ഈ താരം വൈകാതെ തന്നെ തമിഴ്, തെലുങ്കു ഭാഷകളിലും അഭിനയിച്ചു ശ്രദ്ധ നേടി. അന്യ ഭാഷകളിൽ ഗ്ലാമർ വേഷങ്ങളിലും പ്രത്യക്ഷപ്പെട്ടിട്ടുള്ള ഈ നടിയുടെ ഏറ്റവും പുതിയ ചിത്രങ്ങൾ തെലുങ്കിൽ വന്ന ബാക് ഡോർ, ജോസഫ് സിനിമയുടെ തമിഴ് റീമേക്കായ വിസിതിരൻ എന്നിവയാണ്. കഴിഞ്ഞ ഡിസംബറിൽ റിലീസ് ചെയ്തു വമ്പൻ ഹിറ്റായ ബാലയ്യ ചിത്രം അഖണ്ടയിലും ഷംന ശ്രദ്ധിക്കപ്പെട്ട വേഷമാണ് ചെയ്തത്. പടം പേസും , പിസാസ് 2 , അമ്മായി, എന്നീ തമിഴ് ചിത്രങ്ങളും തെലുഗിലോ നാക്കു നാച്ചണി പാദം പ്രേമ, എന്നീ തെലുങ്കു ചിത്രവും വൃത്തം എന്ന മലയാള ചിത്രവുമാണ് ഷംന അഭിനയിച്ചു ഇനി പുറത്തു വരാനുള്ള പ്രൊജെക്ടുകൾ.