ഗ്ലാമർ ലുക്കിൽ പ്രിയ വാര്യർ; വൈറലായി പുതിയ ചിത്രങ്ങൾ

സൂപ്പർ ഹിറ്റ് സംവിധായകൻ ഒമർ ലുലു സംവിധാനം ചെയ്ത ഒരു അഡാർ ലവ് എന്ന ചിത്രത്തിലൂടെ മലയാള സിനിമയിൽ നായികയായി അരങ്ങേറ്റം കുറിച്ച നടിയാണ് പ്രിയ പ്രകാശ് വാര്യർ. അതിലെ ഒരു ഗാന രംഗത്തിലൂടെ ലോകം മുഴുവൻ ഈ നടി ശ്രദ്ധ നേടി. ഹിന്ദി ഉൾപ്പെടെയുള്ള അന്യ ഭാഷ ചിത്രങ്ങളിൽ അഭിനയിച്ച പ്രിയ ഇപ്പോൾ തെലുങ്ക് സിനിമകളിലാണ് കൂടുതൽ വേഷമിടുന്നത്. ഗ്ലാമർ വേഷങ്ങളും ചെയ്യാൻ മടി കാണിക്കാത്ത പ്രിയയുടെ ഗ്ലാമർ ചിത്രങ്ങൾക്ക് സോഷ്യൽ മീഡിയയിൽ നിന്ന് വലിയ ശ്രദ്ധയാണ് ലഭിക്കാറുള്ളത്. ഇപ്പോഴിതാ തന്റെ ഏറ്റവും പുതിയ ഫോട്ടോഷൂട്ട് ചിത്രങ്ങൾ ഇൻസ്റാഗ്രാമിലൂടെ പങ്കു വെച്ചിരിക്കുകയാണ് ഈ നടി. അതീവ ഗ്ലാമറസായാണ് പ്രിയ വാര്യർ ഈ ചിത്രങ്ങളിൽ പ്രത്യക്ഷപ്പെട്ടിരിക്കുന്നത്. പ്രിയ ചിത്രങ്ങൾ പങ്കുവെച്ച് മിനിറ്റുകൾ കൊണ്ട് തന്നെ അവ സോഷ്യൽ മീഡിയയിൽ വൈറലായി മാറുകയും ചെയ്തു.

ചെക്ക്, ഇശ്ഖ് എന്ന തെലുങ്ക് ചിത്രങ്ങളിൽ അഭിനയിച്ച പ്രിയ വേഷമിട്ട ബോളിവുഡ് ചിത്രമാണ് ശ്രീദേവി ബംഗ്ലാ. ഇത് കൂടാതെ കന്നഡയിൽ വിഷ്ണു പ്രിയ എന്ന ചിത്രത്തിലും പ്രിയ അഭിനയിച്ചിട്ടുണ്ട്. ഇപ്പോൾ മലയാളത്തിൽ കൊള്ള എന്ന ചിത്രത്തിലാണ് പ്രിയ അഭിനയിച്ചു കൊണ്ടിരിക്കുന്നത്. രജിഷ വിജയനും പ്രിയ പ്രകാശ് വാര്യരും നായിക വേഷങ്ങൾ ചെയ്യുന്ന ഈ ചിത്രത്തിലെ നായകനായി എത്തുന്നത് വിനയ് ഫോർട്ട് ആണ്. സൂ​ര​ജ് ​വ​ർ​മ്മ​ ​സം​വി​ധാ​നം​ ​ചെ​യ്യു​ന്ന ഈ ചിത്രത്തിൽ അലൻസിയർ,​ ​പ്രേം​പ്ര​കാ​ശ്,​ ​ഷെ​ബി​ൻ​ ​ബെ​ൻ​സ​ൻ,​ ​പ്ര​ശാ​ന്ത് ​അ​ല​ക്സാ​ണ്ട​ർ,​ ​ജിയോ​ബേ​ബി എന്നിവരും വേഷമിടുന്നുണ്ട്. ബോ​ബി​ ​സ​ഞ്ജ​യ്‌​യു​ടെ​ ​ കഥയ്ക്ക് ​ജാ​സിം​ ​ജ​ലാ​ലും​ ​നെ​ൽ​സ​ൻ​ ​ജോ​സ​ഫും​ ​ചേർന്ന് തിരക്കഥയൊരുക്കിയ ഈ ചിത്രം രജീഷ് പ്രൊഡക്ഷൻസിന്റെ ബാനറിൽ കെ വി രജീഷാണ് നിർമ്മിക്കുന്നത്.