മലയാള സിനിമാ താരങ്ങൾ ഓരോരുത്തരും മലയാള സിനിമയുടെ അണിയറ പ്രവർത്തകരും കേരളാ ജനതയുടെ വിഷമത്തിൽ പങ്കു ചേരുകയും അവർക്കു വേണ്ടിയുള്ള സഹായങ്ങൾ എത്തിക്കുകയും ചെയ്യുന്ന ഈ സാഹചര്യത്തിൽ തമിഴ് സിനിമാ പ്രവർത്തകരും കേരളാ ജനതയ്ക്ക് സഹായവുമായി എത്തുകയാണ്. മുഖ്യമന്ത്രിയുടെ ദുരന്ത നിവാരണ ഫണ്ടിലേക്ക് തമിഴ് സൂപ്പർ താരം സൂര്യയും അനുജൻ കാർത്തിയും ചേർന്ന് 25 ലക്ഷം രൂപയാണ് സംഭാവന ചെയ്തിരിക്കുന്നത്. പ്രശസ്ത സൗത്ത് ഇന്ത്യൻ ട്രേഡ് അനലിസ്റ്റ് ആയ രമേശ് ബാലയാണ് ഈ വിവരം ട്വിറ്ററിലൂടെ അറിയിച്ചത്. ചെന്നൈയിൽ വെള്ളപ്പൊക്കം ഉണ്ടായപ്പോൾ കേരളാ ജനതയും , മോഹൻലാലും മമ്മൂട്ടിയും അടക്കമുള്ള മലയാള സിനിമാ താരങ്ങളും തങ്ങളുടെ സഹായ ഹസ്തവുമായി എത്തിയിരുന്നു.. ഇപ്പോൾ അതിനുള്ള നന്ദി തിരിച്ചു കാണിക്കുകയാണ് തമിഴ് സിനിമ.
ഫാൻസ് പ്രവർത്തകർ വഴി കുട്ടനാട്ടിൽ ദുരിത ബാധിതർക്ക് സഹായമെത്തിച്ച മോഹൻലാൽ ‘അമ്മ സംഘടന വഴി പത്തു ലക്ഷം രൂപയും മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി. പറവൂരുള്ള ദുരിതാശ്വാസ ക്യാമ്പിൽ സന്ദർശനം നടത്തിയ മമ്മൂട്ടി അവിടെയുള്ളവർക്കു വേണ്ട സഹായം എത്തിക്കാം എന്ന വാക്ക് നൽകിയാണ് മടങ്ങിയത്. നടൻ ജയറാം ഭാര്യ പാർവതി വഴിയാണ് കുട്ടനാട്ടിലെ ദുരിതാശ്വാസ ക്യാമ്പിൽ അവശ്യ വസ്തുക്കൾ എത്തിച്ചത്. ഇത് കൂടാതെ നീലി എന്ന ചിത്രത്തിന്റെ നിർമ്മാതാവ്, മറഡോണ എന്ന ചിത്രത്തിന്റെ അണിയറ പ്രവർത്തകർ എന്നിവരും മുഖ്യമന്ത്രിയുടെ ദുരിതാശ്വാസ നിധിയിലേക്ക് തങ്ങളുടെ ചിത്രത്തിന്റെ കളക്ഷന്റെ ഒരു ഭാഗം സംഭാവനയായി നല്കുകയാണ്.
നടന്മാരുടെ പേരിലുള്ള ആരാധക കൂട്ടായ്മകളും തങ്ങളെ കൊണ്ട് പറ്റുന്ന തരത്തിൽ അവശ്യ വസ്തുക്കൾ എത്തിക്കുകയാണ് കേരളമെങ്ങുമുള്ള ദുരിതാശ്വാസ ക്യാമ്പുകളിൽ. മോഹൻലാൽ- മമ്മൂട്ടി ഫാൻസ് അസോസിയേഷനുകൾ ഇക്കാര്യത്തിൽ നടത്തുന്ന സേവനങ്ങൾ ഏറെ അഭിനന്ദനാർഹമാണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.