യാത്രക്ക് ഒരുങ്ങി ചട്ടമ്പി, ശ്രീനാഥ്‌ ഭാസിയുടെ ‘ജേർണി’ തുടങ്ങുന്നു

യുവതാരം ശ്രീനാഥ് ഭാസി നായകനാകുന്ന പുതിയ ചിത്രമാണ് ജേർണി. ചിത്രത്തിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസം ടോവിനോ തോമസ്, ഉണ്ണി മുകുന്ദൻ, ഇന്ദ്രൻസ് തുടങ്ങിയ താരങ്ങൾ അവരുടെ സോഷ്യൽ മീഡിയ പേജുകൾ വഴി ലോഞ്ച് ചെയ്യുകയുണ്ടായി. റോഡ് മൂവി ആയി ഒരുക്കുന്ന ചിത്രം ഇന്ത്യയിലെ 12 സംസ്ഥാനങ്ങളിലും ഒപ്പം ലക്ഷദ്വീപിലും ചിത്രീകരിക്കുന്നുണ്ട്.

ത്രയം, നമുക്ക് കോടതിയിൽ കാണാം എന്നീ ചിത്രങ്ങൾക്ക് ശേഷം സഞ്ജിത് ചന്ദ്രസേനൻ സംവിധാനം ചെയ്യുന്ന ചിത്രമാണ് ഇത്. മോഷപറയുടെ ബാനറിൽ ശ്രീനാഥ്‌ ഭാസിയും കിഷ്കിന്ധ പ്രൊഡക്ഷൻസിന്റെ ബാനറിൽ സഞ്ജിത് ചന്ദ്രസേനൻ, മാത്യു പ്രസാദ്, സാഗർ ദാസ് എന്നിവരും ചേർന്നാണ് ജേർണി നിർമ്മിക്കുന്നത്. ലില്ലി, ഫോറൻസിക് എന്നീ ചിത്രങ്ങളിലൂടെ ശ്രദ്ധേയനായ ധനേഷ് ആനന്ദും ജേർണിയിൽ പ്രധാന വേഷത്തിൽ എത്തുന്നുണ്ട്.

ഹോം, മേപ്പടിയാൻ തുടങ്ങിയ ചിത്രങ്ങളിലൂടെ ശ്രദ്ധേയനായ രാഹുൽ സുബ്രമണ്യൻ ആണ് ജേർണിക്ക് വേണ്ടി സംഗീതം ഒരുക്കുന്നത്. മാത്യു പ്രസാദ് ക്യാമറയും സാഗർ ദാസ് എഡിറ്റിങ്ങും കൈകാര്യം ചെയ്യുന്നു. തെന്നിന്ത്യയിലെ പ്രശസ്ത കോസ്റ്റൂമ് ഡിസൈനർ ആയ ഉത്തര മേനോൻ വസ്ത്രാലങ്കാരം നിർവഹിക്കുന്ന ചിതത്തിന്റെ എക്സിക്യൂട്ടീവ് പ്രൊഡ്യൂസർ ധനേഷ് ആനന്ദ് ആണ്.

പ്രൊഡക്ഷൻ കണ്ട്രോളർ നിജിൽ ദിവാകരൻ, ആർട്ട് അരുൺ തിലകൻ, ചീഫ് അസോസിയേറ്റ് ഡയറക്ടർ വിവേക് വിനോദ്. അസിസ്റ്റന്റ് ഡയറക്റ്റേഴ്‌സ് സുജിത് സുരേന്ദ്രൻ, അർജുൻ ആസാദ്. വിഎഫ്എക്‌സ് ഐഡന്റ് ലാബ്‌സ്, ഡിസൈൻ മാ മി ജോ.