മലയാള സിനിമയിലെ ഏറ്റവും സുന്ദരനായ വില്ലൻ എന്നാണ് നടൻ ദേവൻ അറിയപ്പെടുന്നത്. നായകനായി തുടക്ക കാലത്തു അഭിനയിച്ചിട്ടുണ്ട് എങ്കിലും ദേവൻ എന്ന നടൻ കയ്യടി നേടിയത് വില്ലൻ വേഷങ്ങളിലൂടെ ആണ്. ഒട്ടേറെ സൂപ്പർ ഹിറ്റുകളിൽ വില്ലൻ വേഷങ്ങൾ ചെയ്തിട്ടുള്ള ദേവൻ മറ്റു സൗത്ത് ഇന്ത്യൻ ഭാഷകളിലും വില്ലൻ വേഷങ്ങളിലൂടെ തിളങ്ങുന്ന താരമാണ്. ദക്ഷിണേന്ത്യൻ സിനിമകളിലെ ഒട്ടു മിക്ക സൂപ്പർ താരങ്ങളുടെ ഒപ്പവും അഭിനയിച്ചിട്ടുള്ള നടൻ കൂടിയാണ് ദേവൻ. വില്ലൻ വേഷങ്ങൾ അല്ലാതെ സ്വഭാവ നടൻ ആയും ദേവൻ തിളങ്ങിയ ചിത്രങ്ങൾ ഏറെ. ഇപ്പോഴിതാ മരിച്ചു പോയ ക്യാപ്റ്റൻ രാജു എന്ന നടനെയും മനുഷ്യനെയും കുറിച്ച് പറയുകയാണ് ദേവൻ.
ക്യാപ്റ്റൻ രാജുവും ആയി വളരെ അടുപ്പം പുലർത്തിയിരുന്ന വ്യക്തി ആയിരുന്നു ദേവൻ. താൻ ആദ്യമായി വീട് വെച്ചത് പോലും രാജു ചേട്ടന്റെ സഹായം കൊണ്ടാണെന്നു ദേവൻ ഓർക്കുന്നു. ദേവന്റെ വാക്കുകൾ ഇപ്രകാരം, “ഞാന് സിനിമയില് എന്റെ കരിയര് തുടങ്ങുന്ന സമയത്തു ഒരിക്കല് രാജു ചേട്ടന് വിളിച്ചു പറഞ്ഞു, ‘ഡാ ഒരു സ്ഥലമുണ്ട് വീട് വയ്ക്കാന് നോക്കുന്നോ’ എന്ന്. ‘ആഗ്രഹം മാത്രമായുണ്ടായിട്ടു കാര്യമില്ലലോ, കയ്യില് പൈസ കൂടി വേണ്ടേ’ എന്നായിരുന്നു എന്റെ മറുപടി. ‘അതൊക്കെ ശരിയാകുമെടാ’ എന്ന് പറഞ്ഞു ഞാന് താമസിക്കുന്നിടത്ത് വന്നു എന്നെ കാറില് പിടിച്ചു കയറ്റി. അങ്ങനെ ഞങ്ങള് ഒന്നിച്ച് രാജു ചേട്ടന് പറഞ്ഞ സ്ഥലം കാണാന് പോയി. രാജു ചേട്ടന്റെ കയ്യില് നിന്ന് പതിനായിരം രൂപ അഡ്വാന്സ് കൊടുത്ത് അത് കരാറാക്കി. ആ സ്ഥലത്താണ് ഞാന് ആദ്യമായി ഒരു വീട് വയ്ക്കുന്നത്. ജീവിതത്തില് എനിക്ക് ഒരിക്കലും വിസ്മരിക്കാൻ കഴിയാത്ത വ്യക്തിയാണ് അദ്ദേഹം”.
അടുത്തിടെ ഒരു സ്വകാര്യ ചാനല് അഭിമുഖത്തിൽ സംസാരിക്കവേയാണ് താന് സിനിമയില് വന്ന ശേഷം ആദ്യമായി വെച്ച വീടിനെ കുറിച്ചും അതിനു കാരണക്കാരനായ വ്യകതി ആരെന്നും ദേവൻ മനസ്സ് തുറന്നതു. ഒരു നല്ല നടൻ മാത്രമായിരുന്നില്ല വലിയ മനസ്സുള്ള ഒരു മനുഷ്യൻ കൂടിയായിരുന്നു ക്യാപ്റ്റൻ രാജു എന്നും ദേവൻ പറയുന്നു.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.