പൃഥ്വിരാജ് എന്ന സംവിധായകനെ കുറിച്ച് നടൻ ബൈജു; അഭിനേതാവിനെ അനങ്ങാൻ വിടില്ല എന്ന് താരം..!

യുവ സൂപ്പർ താരം പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ചിത്രമാണ് ലൂസിഫർ. കംപ്ലീറ്റ് ആക്ടർ മോഹൻലാൽ നായകനായ ഈ ചിത്രം ഈ വരുന്ന മാർച്ച് 28 നു റിലീസ് ചെയ്യാൻ പോവുകയാണ്. മലയാള സിനിമാ പ്രേക്ഷകർ ഏറെ ആവേശത്തോടെയും ആകാംഷയോടെയും കാത്തിരിക്കുന്ന ഈ ചിത്രം ലോകം മുഴുവൻ ഒരേ ദിവസമാണ് എത്തുന്നത്. ഇതിന്റെ ട്രൈലെർ ഇപ്പോൾ ദക്ഷിണേന്ത്യ മുഴുവൻ സംസാര വിഷയം ആയി കഴിഞ്ഞു. യൂട്യൂബിൽ റെക്കോർഡുകൾ സൃഷ്ടിച്ചു കൊണ്ടാണ് ഇതിന്റെ ട്രൈലെർ മുന്നേറുന്നത്. ഇപ്പോഴിതാ ഈ ചിത്രത്തിൽ ഒരു വേഷം ചെയ്ത പ്രശസ്ത നടൻ ബൈജു സംവിധായകൻ പൃഥ്വിരാജ് സുകുമാരനെ കുറിച്ച് സംസാരിക്കുകയാണ്. 

ഒരു സംവിധായകൻ എന്ന നിലയിൽ വലിയ ആജ്ഞാ ശ്കതിയാണ് പൃഥ്വിരാജ് കാണിക്കുന്നത് എന്ന് ബൈജു പറയുന്നു. പൃഥ്വിരാജ് എന്താണോ ആഗ്രഹിക്കുന്നത് അത് കൃത്യമായി അദ്ദേഹം അഭിനേതാവിൽ നിന്ന് എടുക്കും എന്നും, അതിൽ കൂടുതലോ കുറവോ പുള്ളിക്ക് വേണ്ട എന്നും ബൈജു പറയുന്നു. ഒരു നടൻ എന്ന നൈലയിൽ നമ്മളെ അനങ്ങാൻ വിടില്ല പൃഥ്‌വി എന്നാണ് ബൈജു സരസമായി പറയുന്നത്. ലാലേട്ടനെ പോലും പൃഥ്‌വി സ്വാതന്ത്ര്യമായി വിട്ടു കാണില്ല എന്ന് ചിരിയോടെ ബൈജു പറയുന്നു. പൃഥ്‌വിരാജിനെ ചെറുപ്പം മുതലേ അറിയാവുന്ന ബൈജു പറയുന്നത് , രാജു ഒരു സംവിധായകൻ ആയി വന്നപ്പോൾ വലിയ ഒരു മാറ്റമാണ് കാണാൻ സാധിക്കുന്നത് എന്നാണ്. മുരുകൻ എന്ന് പേരുള്ള ഒരു രാഷ്ട്രീയക്കാരൻ ആയാണ് ബൈജു ഈ ചിത്രത്തിൽ അഭിനയിച്ചിരിക്കുന്നത്.