കസബ എന്ന ചിത്രത്തിന് ശേഷം മമ്മൂട്ടി പോലീസ് വേഷത്തിലെത്തുന്ന ചിത്രമാണ് ‘അബ്രഹാമിന്റെ സന്തതികള്‍’. ഷാജി പാടൂര്‍ സംവിധാനം ചെയ്യുന്ന ഈ ചിത്രത്തിന്റെ ഷൂട്ടിംഗ് കഴിഞ്ഞ ദിവസം ആരംഭിച്ചു. ഡെറിക് അബ്രഹാം എന്ന പൊലീസുകാരനായി മമ്മൂട്ടി എത്തുമ്പോൾ അദ്ദേഹത്തിന്റെ ഈ ചിത്രത്തിലെ ലുക്കോ കഥാപാത്രത്തിന്റെ മറ്റ് വിവരങ്ങളോ ഇതുവരെ പുറത്തുവിട്ടിട്ടില്ല. എന്നാൽ ചിത്രകാരന്റെ ഭാവനയിൽ വിരിഞ്ഞ ഡെറിക് അബ്രഹാമിന്റെ രൂപം ഇപ്പോൾ സോഷ്യൽ മീഡിയയിൽ ശ്രദ്ധ പിടിച്ചുപറ്റുകയാണ്.
സാനി യാസ് എന്ന ചിത്രകാരന്റെ ഭാവനയിലാണ് കഥാപാത്രം വിരിഞ്ഞത്. സോള്‍ട്ട് ആന്റ് പെപ്പര്‍ ഗെറ്റപ്പിലാണ് ഡെറിക്കിനെ ചിത്രീകരിച്ചിരിക്കുന്നത്. സിനിമാ പ്രവര്‍ത്തകര്‍ അടക്കം ചിത്രം ഷെയര്‍ ചെയ്തെങ്കിലും ഇതുതന്നെയാണോ മമ്മൂട്ടിയുടെ ലുക്കെന്ന കാര്യത്തിൽ സ്ഥിരീകരണമൊന്നുമില്ല. എന്തായാലും പുതിയ ലുക്ക് കണ്ടതോടെ ആരാധകരും പ്രതീക്ഷയിലാണ്.
കനിഹയാണ്‌ ‘അബ്രഹാമിന്റെ സന്തതികളി’ലെ നായിക. സിദ്ദിഖ്‌, രൺജിപണിക്കർ, അൻസൻ പോൾ, കലാഭവൻ ഷാജോൺ. സുരേഷ്‌കൃഷ്ണ, എന്നിവർ മറ്റുപ്രധാന കഥാപാത്രങ്ങളെ അവതരിപ്പിക്കുന്നു. മമ്മൂട്ടിയുടെ തന്നെ ‘ദി ഗ്രേറ്റ്ഫാദറി’ന്റെ സംവിധായകന്‍ ഹനീഫ് അദേനിയാണ് ‘ഈ ചിത്രത്തിനും തിരക്കഥയൊരുക്കുന്നത്. റഫീഖ്‌ അഹമ്മദിന്റെ വരികൾക്ക്‌ ഗോപി സുന്ദറാണ് ഈണം നൽകുന്നത്. ഗുഡ്വിൽ എന്റർടെയ്ൻമെന്റ്സിന്റെ ബാനറിൽ ജോബി ജോർജ് നിർമ്മിക്കുന്ന ‘അബ്രഹാമിന്റെ സന്തതികൾ’ വിഷുവിന് തിയേറ്ററുകളിലെത്തുമെന്നാണ് സൂചന.
മലയാളത്തിന്റെ മഹാനടൻ മോഹൻലാൽ ആദ്യമായി സംവിധാനം ചെയ്ത ബറോസിന്റെ ട്രൈലെർ സെൻസർ ചെയ്തു. രണ്ട് മിനിട്ടിനു മുകളിൽ ദൈർഘ്യമുള്ള ഈ…
ഐവി ശശി- മമ്മൂട്ടി കൂട്ടുകെട്ടിന്റെ 'ആവനാഴി' റീ റിലീസ് ചെയ്യുന്ന ഡേറ്റ് പുറത്ത്. 'ഇൻസ്പെക്ടർ ബൽറാം' എന്ന തീപ്പൊരി പൊലീസ്…
ഏറെ വർഷങ്ങൾക്ക് മുൻപ് മലയാളി പ്രേക്ഷകർക്ക് മുന്നിലെത്തിയ 'ഓഫാബി'ക്ക് ശേഷം ആനിമേറ്റഡ് ക്യാരക്ടർ മുഖ്യ കഥാപാത്രമായെത്തുന്ന ഹൈബ്രിഡ് ചിത്രം 'ലൗലി'…
ഷറഫുദ്ദീൻ, ഐശ്വര്യ ലക്ഷ്മി എന്നിവരെ കേന്ദ്ര കഥാപാത്രങ്ങളാക്കി നവാഗതനായ വൈശാഖ് എലൻസ് സംവിധാനം ചെയ്യുന്ന ഫാന്റസി കോമഡി ചിത്രം 'ഹലോ…
തമിഴകത്തിന്റെ നടിപ്പിൻ നായകൻ സൂര്യയുടെ കരിയറിലെ ഏറ്റവും വലിയ ചിത്രമായ കങ്കുവ നവംബർ പതിനാലിന് ആഗോള റിലീസായി എത്തുകയാണ്. കേരളത്തിലും…
മലയാളത്തിലെ യുവ നടന്മാരിലൊരാളായ അർജ്ജുൻ അശോകൻ ചുരുങ്ങിയ കാലയളവിനുള്ളിലാണ് പ്രേക്ഷകരുടെ ഇഷ്ട താരമായ് മാറിയത്. ഹരിശ്രീ അശോകന്റെ മകൻ എന്ന…
This website uses cookies.