റിലീസിന് മണിക്കൂറുകള്‍ മാത്രം ബാക്കി, തരംഗം പുതിയ ടീസര്‍ എത്തി

ടൊവിനോ തോമസ് നായകനാകുന്ന പുതിയ ചിത്രം തരംഗം നാളെ തിയേറ്ററുകളിലേക്ക് എത്തുകയാണ്. ഏറെ പ്രതീക്ഷയോടെയാണ് ഈ ചിത്രത്തെ സിനിമ ആസ്വാദകര്‍ കാത്തിരിക്കുന്നത്. മൃത്യുഞ്ജയം എന്ന ഷോര്‍ട്ട് ഫിലിമിലൂടെ ശ്രദ്ധേയനായ അരുണ്‍ ഡൊമിനിക്ക് ആണ് തരംഗം സംവിധാനം ചെയ്തിരിക്കുന്നത്.

തരംഗം റിലീസിന് ഏതാനും മണികൂറുകള്‍ മാത്രം ബാക്കി നില്‍ക്കുമ്പോള്‍ ചിത്രത്തിന്‍റെ പുതിയ ടീസര്‍ അണിയറ പ്രവര്‍ത്തകര്‍ പുറത്തു വിട്ടിരിക്കുകയാണ്.

പൂര്‍ണ്ണമായും രസിക്കാന്‍ ഉള്ള ചിത്രമായിരിക്കും തരംഗം എന്നാണ് സംവിധായകന്‍ ഡൊമിനിക്ക് അരുണ്‍ തന്‍റെ ആദ്യ ചിത്രത്തെ കുറിച്ച് പറയുന്നത്. ഫാന്‍റസി എലമെന്‍റ് നിറഞ്ഞ ഫണ്‍ ത്രില്ലര്‍ ആയിരിയ്ക്കും ചിത്രം.

തമിഴ് സൂപ്പര്‍ താരം ധനുഷ് ആണ് ചിത്രം നിര്‍മ്മിക്കുന്നത്.