ഞണ്ടുകളുടെ നാട്ടില്‍ ഒരിടവേള കുടുംബ പ്രേക്ഷകര്‍ ഏറ്റെടുക്കുന്നു

ഓണച്ചിത്രമായി എത്തിയ ഞണ്ടുകളുടെ നാട്ടില്‍ ഒരിടവേള മികച്ച ഫാമിലി സപ്പോട്ടുമായി മുന്നേറുകയാണ്. നിവിന്‍ പോളി നായകനാകുന്ന ചിത്രം എല്ലാ പ്രായക്കാരെയും രസിപ്പിക്കുന്നു എന്നതാണ് തിയേറ്ററുകളിലെ ഹൌസ്ഫുള്‍ ബോര്‍ഡുകള്‍ തെളിയിക്കുന്നത്.

ഒരു വടക്കന്‍ സെല്‍ഫി, പ്രേമം, ആക്ഷന്‍ ഹീറോ ബിജു, ജേക്കബിന്‍റെ സ്വര്‍ഗരാജ്യം, സഖാവ് എന്നീ നിവിന്‍ പോളിയുടെ തുടര്‍ച്ചയായ ഹിറ്റുകള്‍ക്ക് പിന്നാലേ എത്തിയ ഈ ചിത്രവും ഹിറ്റ് ചാര്‍ട്ടില്‍ ഇടം നേടുമെന്നാണ് കരുതുന്നത്.

റിലീസ് ചെയ്ത തിയേറ്ററുകളില്‍ നിന്നുമെല്ലാം നല്ല പ്രതികരണമാണ് കുടുംബ പ്രേക്ഷകര്‍ക്കിടയില്‍ നിന്നും ഞണ്ടുകളുടെ നാട്ടില്‍ ഒരിടവേളയ്ക്ക് ലഭിക്കുന്നത്.

നിവിന്‍ പോളിയുടെയും ശാന്തി കൃഷ്ണയുടെയും പ്രകടനം ഏറെ പ്രശംസ നേടുന്നുണ്ട്. വര്‍ഷങ്ങള്‍ക്ക് ശേഷം സിനിമയിലേക്കുള്ള തിരിച്ചു വരവ് ശാന്തി കൃഷ്ണ ഗംഭീരമാക്കിയിട്ടുണ്ട്. നിവിന്‍ പോളി പതിവ് പോലെ തന്നെ പ്രേക്ഷകരെ രസിപ്പിക്കുന്നു.

ലാല്‍, അഹാന കൃഷ്ണ, സൈജു കുറുപ്പ്, സൃന്ത, ദിലീഷ് പോത്തന്‍, സിജു വില്‍സണ്‍ തുടങ്ങിയ വലിയൊരു താര നിര തന്നെ ചിത്രത്തിലുണ്ട്. പുതുമുഖം ഐശ്വര്യ ലക്ഷ്മിയാണ് ചിത്രത്തില്‍ നായികയാകുന്നത്.