ഡിറ്റക്റ്റീവ് പ്രഭാകരനുമായി ജൂഡ് ആന്റണി ജോസഫ്?; ഒരുങ്ങുന്നത് വമ്പൻ ചിത്രം
കേരളത്തിലുണ്ടായ വെള്ളപൊക്കത്തിന്റെ കഥ പറഞ്ഞ 2018 എന്ന ചിത്രത്തിലൂടെ മലയാള സിനിമയിലെ പുതിയ ഇൻഡസ്ട്രി ഹിറ്റ് സമ്മാനിച്ച സംവിധായകനാണ് ജൂഡ് ആന്റണി ജോസഫ്. 175 കോടിയോളം ആഗോള ഗ്രോസ് നേടിയ ഈ ചിത്രത്തിൽ ടോവിനോ തോമസ്, ആസിഫ് അലി, കുഞ്ചാക്കോ ബോബൻ, ലാൽ, വിനീത് ശ്രീനിവാസൻ തുടങ്ങി ഒട്ടേറെ താരങ്ങൾ വേഷമിട്ടിരുന്നു. ഇതിന് ശേഷം ജൂഡ് ആന്റണി ജോസഫ് ഒരുക്കാൻ പോകുന്ന ചിത്രമേതായിരിക്കും എന്ന ചർച്ചകൾ സോഷ്യൽ മീഡിയയിൽ തുടങ്ങിയിട്ട് നാളേറെയായി. തമിഴിലെ വമ്പൻ നിർമ്മാണ കമ്പനിയായ ലൈക്ക പ്രൊഡക്ഷൻസ് ആയി ചേർന്ന് ഒരു വമ്പൻ ചിത്രമൊരുക്കാനുള്ള തയ്യാറെടുപ്പിലാണ് ജൂഡ് എന്ന വാർത്ത ഔദ്യോഗികമായി തന്നെ സ്ഥിരീകരിച്ചിരുന്നു. വിക്രം, നിവിൻ പോളി, കിച്ച സുദീപ്, വിജയ് സേതുപതി, രശ്മിക മന്ദാന എന്നിവരുടെ പേരുകൾ ഈ പാൻ ഇന്ത്യൻ ചിത്രവുമായി ബന്ധപ്പെട്ട് കേട്ടെങ്കിലും താരനിരയെ കുറിച്ചുള്ള വിവരങ്ങൾ ഒഫീഷ്യലായി പുറത്ത് വന്നിട്ടില്ല. എന്നാലിപ്പോഴിതാ, ഇതിന് മുൻപ് മറ്റൊരു വമ്പൻ ചിത്രമൊരുക്കാനുള്ള തയ്യാറെടുപ്പിലാണ് ജൂഡ് ആന്റണി എന്ന വാർത്തകളാണ് സോഷ്യൽ മീഡിയയിൽ പ്രചരിക്കുന്നത്.
ആസിഫ് അലിയെ നായകനാക്കി ഡിറ്റക്റ്റീവ് പ്രഭാകരൻ എന്ന ചിത്രമൊരുക്കാനുള്ള തയ്യാറെടുപ്പിലാണ് ജൂഡ് എന്നാണ് സൂചന. ഒരു സാധാരണക്കാരൻ ഡിറ്റക്റ്റീവ് ആവുന്ന കഥ പറയുന്ന ജി ആർ ഇന്ദുഗോപന്റെ കഥകളെ അടിസ്ഥാനമാക്കിയാണ് ഈ ചിത്രം ഒരുക്കുകയെന്ന സൂചനയുണ്ട്. 1990 കളിൽ നടക്കുന്ന കഥ പറയുന്ന ഈ ചിത്രം ഒരു ബിഗ് ബഡ്ജറ്റ് ത്രില്ലർ ആയിരിക്കുമെന്നാണ് വാർത്തകൾ പറയുന്നത്. ഏതായാലും ഇതിനെ കുറിച്ചുള്ള ഔദ്യോഗിക വിവരങ്ങൾ ഇപ്പോൾ ലഭ്യമല്ല. നിവിൻ പോളി നായകനായി എത്തുന്ന ഒരു വമ്പൻ ചിത്രവും ജൂഡ് ആന്റണി പ്ലാൻ ചെയ്യുന്നുണ്ടെന്ന് വാർത്തകൾ വരുന്നുണ്ട്. ഏതായാലും 2018 ന്റെ മഹാവിജയത്തോടെ കൈനിറയെ ചിത്രങ്ങളുമായി ഈ സംവിധായകൻ തിരക്കിലാണെന്നാണ് സൂചന.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.