ഒരിടവേളയ്ക്ക് ശേഷം മലയാള സിനിമയിൽ മടങ്ങിയെത്തിയ മീരാ ജാസ്മിൻ ഇപ്പോൾ സോഷ്യൽ മീഡിയയിൽ നിറഞ്ഞു നിൽക്കുന്ന താരമാണ്. 21 വർഷങ്ങൾക്കു മുൻപ് ലോഹിതദാസ് ഒരുക്കിയ സൂത്രധാരൻ എന്ന ചിത്രത്തിൽ ദിലീപിന്റെ നായികയായി അരങ്ങേറ്റം കുറിച്ച മീര ജാസ്മിൻ, മോഹൻലാൽ, മമ്മൂട്ടി, ദിലീപ്, ജയറാം, പൃഥ്വിരാജ് തുടങ്ങി മലയാളത്തിലെ എല്ലാ സൂപ്പർ താരങ്ങളുടേയും നായികയായി തിളങ്ങിയ നടിയാണ്. മണി രത്നം ഒരുക്കിയ തമിഴ് ചിത്രം ഉൾപ്പെടെയുള്ള അന്യ ഭാഷാ ചിത്രങ്ങളിലുമഭിനയിച്ചു കയ്യടി നേടിയ മീര ദേശീയ അവാർഡ് ജേതാവ് കൂടിയാണ്. ഈയടുത്തിടെ സത്യൻ അന്തിക്കാട് ഒരുക്കിയ പുതിയ ജയറാം ചിത്രമായ മകളിലൂടെ ഒരിടവേളക്ക് ശേഷം മലയാള സിനിമയിൽ തിരിച്ചു വന്ന മീര ഇൻസ്റ്റാഗ്രാമിലാണ് സജീവമായി നിൽക്കുന്നത്.
തന്റെ പുതിയ ചിത്രങ്ങളും വീഡിയോകളും പുത്തൻ മേക് ഓവർ ഫോട്ടോ ഷൂട്ട് ചിത്രങ്ങളും മീര അത് വഴി പങ്കു വെക്കാറുണ്ട്. ഗ്ലാമറസ് ലുക്കിലുള്ള മീരയുടെ ചിത്രങ്ങൾ വൈറലായി മാറുകയും ചെയ്യാറുണ്ട്. ഇപ്പോഴിതാ ഗ്ലാമറസ് ആയി മീര നടത്തിയ ഏറ്റവും പുത്തൻ ഫോട്ടോഷൂട്ട് ചിത്രങ്ങളാണ് സോഷ്യൽ മീഡിയയിൽ സൂപ്പർ ഹിറ്റാവുന്നത്. വെളുത്ത ടൈറ്റ് ടോപ്പും കറുത്ത പാന്റ്സും ധരിച്ച ഈ ചിത്രങ്ങളിൽ അതീവ സുന്ദരിയായാണ് മീര കാണപ്പെടുന്നത്. ശരീര ഭാരം കുറച്ച് സ്ലിമ്മായ മീര, തന്റെ പുതിയ ചിത്രത്തിന് വേണ്ടിയാണ് ഈ മേക്കോവർ നടത്തിയത് എന്നാണ് സൂചന. മടങ്ങി വരവ് പൂർണ്ണമായും ആസ്വദിക്കുകയാണ് മീര ജാസ്മിൻ എന്ന് അവരുടെ സോഷ്യൽ മീഡിയ പോസ്റ്റുകൾ കാണിച്ചു തരുന്നു. ഒരുപിടി ഗംഭീര ചിത്രങ്ങളിൽ നായികാ വേഷം ചെയ്ത് തിളങ്ങിയ ഈ നടിയുടെ കൂടുതൽ മികച്ച പ്രകടനങ്ങൾ കാണാൻ കാത്തിരിക്കുകയാണ് പ്രേക്ഷകർ.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.