കുട്ടൻ പിള്ളയുടെ ശിവരാത്രി ഓഡിയോ ലോഞ്ച് ചിത്രങ്ങൾ കാണാം..!

സുരാജ് വെഞ്ഞാറമൂട് നായകനായി എത്തുന്ന പുതിയ ചിത്രമാണ് കുട്ടൻ പിള്ളയുടെ ശിവരാത്രി . ജീൻ മാർക്കോസ് സംവിധാനം ചെയ്ത ഈ ചിത്രത്തിന്റെ ഓഡിയോ ലോഞ്ച് കൊച്ചിയിലെ ഐ എം എ ഹാളിൽ വെച്ച് നടന്നു. ഗായികയായ സയനോര ഫിലിപ്പ് ആണ് ഈ ചിത്രത്തിന് വേണ്ടി ഗാനങ്ങളും അതുപോലെ പശ്‌ചാത്തല സംഗീതവും ഒരുക്കിയിരിക്കുന്നത്. ഈ ചിത്രത്തിലെ ചക്ക പാട്ടിന്റെ വീഡിയോ ഇന്ന് റിലീസ് ചെയ്തിരുന്നു. ഈ ചിത്രത്തിന്റെ ഓഡിയോ ലോഞ്ച് ചടങ്ങു താര നിബിഡം ആയിരുന്നു .

നായകനായ സുരാജ് വെഞ്ഞാറമൂടിനൊപ്പം ഇന്ദ്രജിത് സുകുമാരൻ, ഫഹദ് ഫാസിൽ, വിനയ് ഫോർട്ട്, അനുമോൾ, അർച്ചന കവി, രമേശ് പിഷാരടി തുടങ്ങിയ ജനപ്രിയ താരങ്ങൾ ഈ ചടങ്ങിൽ പങ്കെടുത്തു. ഇവരെ കൂടാതെ മറ്റനേകം സെലിബ്രിറ്റികളും ഈ ചിത്രത്തിന്റെ ഓഡിയോ ലോഞ്ചിന് സാക്ഷി ആവാൻ ആയി എത്തിച്ചേർന്നിരുന്നു. ഈ ഓഡിയോ ലോഞ്ചിൽ നിന്നുള്ള കിടിലൻ ചിത്രങ്ങൾ ഇതാ ഇവിടെ നിങ്ങൾക്കായി ഒരുക്കിയിരിക്കുന്നു.

ചിത്രങ്ങൾ കാണാം..!

ആലങ്ങാട് പ്രൊഡക്ഷൻസിന്റെ ബാനറിൽ രാജി നന്ദകുമാർ നിർമ്മിച്ച ഈ ചിത്രത്തിൽ സുരാജ് വെഞ്ഞാറമൂടിനൊപ്പം ബിജു സോപാനം, മിഥുൻ രമേശ്, ശ്രിന്ദ എന്നിവരും അഭിനയിച്ചിട്ടുണ്ട്. ഫാസിൽ നാസർ ആണ് ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയിരിക്കുന്നത്. ജോസെലെറ്റ്‌ ജോസഫ് തിരക്കഥ രചിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് ഷിബിഷ് കെ ചന്ദ്രൻ ആണ്. കുട്ടൻ പിള്ള എന്ന പോലീസ് കോൺസ്റ്റബിൾ ആയാണ് സുരാജ് ഈ ചിത്രത്തിൽ അഭിനയിച്ചിരിക്കുന്നത്. ഒരുപാട് വൈകാതെ തന്നെ ഈ ചിത്രം കേരളത്തിലെ പ്രദർശന ശാലകളിൽ എത്തും എന്നാണ് സൂചന.