മലയാളത്തിന്റെ സ്വന്തം ആക്ഷൻ സൂപ്പർ സ്റ്റാർ സുരേഷ് ഗോപിയുടെ ഒരു മാസ്സ് തിരിച്ചു വരവിനാണ് ഇപ്പോൾ ജോഷി ഒരുക്കിയ പാപ്പൻ എന്ന ചിത്രം വഴിയൊരുക്കിയത്. ജൂലൈ 29 ന് റിലീസ് ചെയ്ത ഈ മാസ്സ് ക്രൈം ത്രില്ലർ ചിത്രം ഇതിനോടകം 20 കോടിക്ക് മുകളിൽ ആഗോള ഗ്രോസ് നേടിക്കഴിഞ്ഞു. തീയേറ്റർ ഷെയറിൽ നിന്ന് തന്നെ മുടക്കു മുതൽ തിരിച്ചു പിടിച്ച ഈ ചിത്രം നിർമ്മാതാക്കൾക്ക് വലിയ ലാഭമാണ് നേടിക്കൊടുക്കുന്നത്. കാലങ്ങൾക്കു ശേഷമാണു ഒരു സുരേഷ് ഗോപി ചിത്രം ഇത്ര വലിയ ബോക്സ് ഓഫീസ് പ്രകടനം നടത്തുന്ന കാഴ്ച കാണാൻ സാധിക്കുന്നത്. താനിന്നും മലയാള സിനിമാ പ്രേമികളുടെ മനസ്സിലെ സൂപ്പർ താരമായി തന്നെയാണ് നിൽക്കുന്നതെന്നു പാപ്പന്റെ വിജയത്തോടെ സുരേഷ് ഗോപി നമ്മുക്ക് കാണിച്ചു തരികയാണ്. കൂടെ വന്ന ചിത്രങ്ങളെല്ലാം കിതക്കുമ്പോഴും പാപ്പൻ ആഗോള തലത്തിൽ ഏകദേശം അറുനൂറോളം സ്ക്രീനുകളിലാണ് നിറഞ്ഞു കളിക്കുന്നത്.
കേരളത്തിന് പുറമെ ഗൾഫ് മാർക്കറ്റിലും മികച്ച സ്വീകരണമാണ് ഈ ചിത്രത്തിന് ലഭിച്ചിരിക്കുന്നത്. ഡേവിഡ് കാച്ചപ്പിള്ളി പ്രൊഡക്ഷൻസിന്റെയും ഇഫാർ മീഡിയയുടെയും, ശ്രീ ഗോകുലം മൂവീസിന്റെയും ബാനറിൽ യഥാക്രമം ഡേവിഡ് കാച്ചപ്പിള്ളിയും റാഫി മതിരയും ഗോകുലം ഗോപാലനും ചേർന്ന് നിർമ്മിച്ച ഈ മാസ്സ് ചിത്രത്തിന്റെ തിരക്കഥ രചിച്ചത് ആർ ജെ ഷാനാണ്. എബ്രഹാം മാത്യു മാത്തൻ എന്ന റിട്ടയേർഡ് പോലീസ് ഓഫീസറായി സുരേഷ് ഗോപി ഗംഭീര പ്രകടനം കാഴ്ച വെച്ച പാപ്പനിൽ പോലീസ് വേഷത്തിലെത്തിയ നീത പിള്ളൈ, സുരേഷ് ഗോപിയുടെ മകൻ ഗോകുൽ സുരേഷ്, ഷമ്മി തിലകൻ എന്നിവരും കയ്യടി നേടുന്നുണ്ട്.
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള് കീഴടക്കാൻ…
ഇന്ത്യൻ സിനിമയിലെ പരമോന്നത ബഹുമതിയായ ദാദാസാഹേബ് ഫാൽക്കെ പുരസ്കാരം മോഹൻലാലിന്. ഇന്ത്യൻ സിനിമയുടെ പിതാവായി കണക്കാക്കപ്പെടുന്ന ധുന്ദിരാജ് ഗോവിന്ദ് ഫാൽക്കെയുടെ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ഓഡിയോ/മ്യൂസിക് അവകാശം…
This website uses cookies.