28 വർഷങ്ങൾക്ക് ശേഷം റീ റിലീസ് ചെയ്തപ്പോഴും ബോക്സ് ഓഫീസിൽ റെക്കോർഡുകൾ സൃഷ്ടിക്കുകയാണ് മോഹൻലാൽ നായകനായ സ്ഫടികം. 1995 ഇൽ റിലീസ് ചെയ്ത് ബ്ലോക്ക്ബസ്റ്റർ വിജയമായ ഈ മോഹൻലാൽ- ഭദ്രൻ ചിത്രം 28 വർഷങ്ങൾക്ക് ശേഷം 4 കെ അറ്റ്മോസിൽ റീമാസ്റ്റർ ചെയ്താണ് എത്തിയത്. ഫെബ്രുവരി ഒൻപതിന് റിലീസ് ചെയ്ത ഈ ചിത്രം ഇപ്പോൾ സൂപ്പർ വിജയമാണ് നേടുന്നത്. കുടുംബ പ്രേക്ഷകരടക്കം വീണ്ടും ഈ ചിത്രം കാണാൻ തീയേറ്ററുകളിലേക്ക് ഒഴുകുന്ന കാഴ്ചയാണ് കാണാൻ സാധിക്കുന്നത്. ഏകദേശം ഒരു കോടി 70 ലക്ഷം രൂപ മുതൽ മുടക്കിൽ റീമാസ്റ്റർ ചെയ്ത് റിലീസ് ചെയ്ത സ്ഫടികം ഇന്നലെയോടെ 4 കോടിക്ക് മുകളിൽ ആഗോള കളക്ഷൻ നേടിക്കഴിഞ്ഞു. കേരളത്തിലും, കേരളത്തിന് പുറത്തും വിദേശത്തും മികച്ച കളക്ഷനാണ് ഈ ചിത്രം നേടിക്കൊണ്ടിരിക്കുന്നത്. തീയേറ്റർ ഷെയറിൽ നിന്ന് മാത്രം മുടക്ക് മുതൽ തിരിച്ചു പിടിച്ച ഈ ചിത്രം മറ്റു ബിസിനസ്സ് കൂടി ചേർത്ത് വമ്പൻ ലാഭമാണ് നേടിയത്.
2023 ഇൽ യുകെ- അയർലൻഡ് മാർക്കറ്റിൽ ഏറ്റവും വലിയ ഓപ്പണിങ് നേടിയ ചിത്രമായും സ്ഫടികം മാറി. 18 ലക്ഷം രൂപയാണ് ഓപ്പണിങ് വീക്കെൻഡിൽ നിന്ന് ഈ ചിത്രം അവിടെ നേടിയത്. രോമാഞ്ചം, തങ്കം, മാളികപ്പുറം എന്നീ ചിത്രങ്ങളുടെ റെക്കോർഡ് ആണ് സ്ഫടികം മറികടന്നത്. കേരളത്തിൽ ഇപ്പോൾ ഷോകളും സ്ക്രീനുകളും വർധിപ്പിക്കുന്ന ഈ ചിത്രം ആദ്യം നാല് ദിവസത്തേക്ക് മാത്രമാണ് റിലീസ് ചെയ്തത് എങ്കിലും, പ്രേക്ഷകരുടെ അഭൂതപൂർവമായ പിന്തുണ മൂലം ഒരാഴ്ചത്തേക്ക് നീട്ടുകയായിരുന്നു. വമ്പൻ ദൃശ്യ- ശബ്ദ മികവിൽ എത്തിയ ഈ ക്ലാസിക് ചിത്രത്തിന് എല്ലാത്തരം പ്രേക്ഷകരിൽ നിന്നും വലിയ സ്വീകരണമാണ് ലഭിക്കുന്നത്. ഭദ്രൻ രചിച്ചു സംവിധാനം ചെയ്ത ഈ ചിത്രം നിർമ്മിച്ചത് ആർ മോഹൻ ആണ്.
ഫ്രാഗ്രൻ്റെ നേച്ചർ ഫിലിംസ്, പൂയപ്പള്ളി ഫിലിംസ് എന്നീ ബാനറുകളിൽ ആൻ ,സജീവ്, അലക്സാണ്ടർ മാത്യു എന്നിവർ നിർമ്മിച്ച് അരുൺ വൈഗ…
ആസിഫ് അലിയെ നായകനാക്കി താമർ തിരക്കഥ രചിച്ചു സംവിധാനം ചെയ്യുന്ന 'സർക്കീട്ട്' എന്ന ചിത്രത്തിലെ ജെപ്പ് സോങ് പുറത്ത്. ഏറെ…
മലയാളത്തിന്റെ മോഹൻലാൽ നായകനായ "തുടരും" പ്രേക്ഷകരുടെ മുന്നിലെത്തിയത് ഏറെ പ്രതീക്ഷകൾക്ക് നടുവിലാണ്. ഓപ്പറേഷൻ ജാവാ, സൗദി വെള്ളക്ക എന്നീ ചിത്രങ്ങളിലൂടെ…
ആസിഫ് അലിയെ നായകനാക്കി താമർ സംവിധാനം ചെയ്യുന്ന 'സർക്കീട്ട്' എന്ന ചിത്രത്തിന്റെ ഒഫീഷ്യൽ ട്രെയ്ലർ പുറത്തിറങ്ങി. ഒരു ഫീൽ ഗുഡ്…
ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത ‘നരിവേട്ട’ സിനിമയുടെ ഒഫീഷ്യൽ ട്രെയ്ലർ പ്രിയതാരം ദുൽഖർ സൽമാൻ റിലീസ്…
സിനിമകളിലെ ഗംഭീര പ്രകടനങ്ങളിലൂടെ പ്രേക്ഷകരുടെ കയ്യടി നേടിയ നടി അനു സിതാര, ഇപ്പൊൾ പുത്തൻ റോളിൽ വൈറലാവുന്നു. പ്രശസ്ത ആദിവാസി…
This website uses cookies.