കുഞ്ചാക്കോ ബോബന്റെ കരിയർ ബെസ്റ്; അഞ്ചാം പാതിരാ കളക്ഷൻ റിപ്പോർട്ട് പുറത്ത്

കുഞ്ചാക്കോ ബോബനെ നായകനാക്കി പ്രശസ്ത സംവിധായകൻ മിഥുൻ മാനുവൽ തോമസ് രചിച്ചു സംവിധാനം ചെയ്ത അഞ്ചാം പാതിരാ എന്ന ചിത്രം ഈ വർഷത്തെ മലയാള സിനിമയിലെ ആദ്യത്തെ ബ്ലോക്ക്ബസ്റ്റർ ആയി മാറിയിരുന്നു. ഈ വർഷം ഇതുവരെ ബ്ലോക്ക്ബസ്റ്റർ സ്റ്റാറ്റസ് ലഭിച്ച ഏക മലയാള ചിത്രവും ഈ ഇൻവെസ്റ്റിഗേഷൻ ത്രില്ലറാണ്. പ്രേക്ഷകരും നിരൂപകരും ഒരുപോലെ പ്രശംസ ചൊരിഞ്ഞ ഈ ചിത്രം ഇപ്പോൾ നാൽപ്പതു കോടി ക്ലബ്ബിലേക്ക് കുതിക്കുകയാണ്. കുഞ്ചാക്കോ ബോബന്റെ കരിയറിലെ ഏറ്റവും വലിയ വിജയമാണ് ഈ ചിത്രം നേടിയെടുത്തിരിക്കുന്നതു. ഇപ്പോഴിതാ അഞ്ചാം പാതിരായുടെ വേൾഡ് വൈഡ് ബോക്സ് ഓഫീസ് കളക്ഷൻ റിപ്പോർപുറത്തു വന്നിരിക്കുകയാണ്.

പതിനെട്ടു ദിവസം കൊണ്ട് ഈ ചിത്രം നേടിയെടുത്തിരിക്കുന്നതു മുപ്പത്തിനാല് കോടിക്ക് മുകളിൽ വേൾഡ് വൈഡ് കളക്ഷനാണ്. കേരളത്തിൽ നിന്ന് ഏകദേശം ഇരുപത്തിയഞ്ചു കോടിയോളം നേടിയെടുത്ത ഈ ചിത്രത്തിന്റെ കേരളത്തിന് പുറത്തുള്ള കളക്ഷൻ പത്തു കോടിയുടെ അടുത്താണ്. റസ്റ്റ് ഓഫ് ഇന്ത്യ മാർക്കറ്റിൽ നിന്ന് ഒരു കോടി മുപ്പത്തിയഞ്ചു ലക്ഷത്തോളം നേടിയ അഞ്ചാം പാതിരാ ഓവർസീസ് മാർക്കറ്റിൽ നിന്ന് നേടിയത് എട്ടു കോടി രൂപക്ക് മുകളിൽ ആണ്. യു എസ് എ മാർക്കറ്റിൽ നിന്ന് മികച്ച കളക്ഷനാണ് ഈ ചിത്രത്തിന് ലഭിക്കുന്നത്. ഉണ്ണി മായാ, ശ്രീനാഥ് ഭാസി, രമ്യ നമ്പീശൻ, ഇന്ദ്രൻസ്, ഹരികൃഷ്ണൻ, ജിനു ജോസഫ്, ഷറഫുദീൻ, ദിവ്യ ഗോപിനാഥ്, അഭിരാം പൊതുവാൾ എന്നിവരും അഭിനയിച്ചിരിക്കുന്നു ഈ ചിത്രം നിർമ്മിച്ചത് ആഷിക് ഉസ്മാനാണ്. കുഞ്ചാക്കോ ബോബൻ അവതരിപ്പിക്കുന്ന അൻവർ ഹുസൈൻ എന്ന ഒരു പോലീസ് കണ്‍സള്‍ട്ടിങ് ക്രിമിനോളജിസ്റ്റ് ആയ കഥാപാത്രം നടത്തുന്ന ഒരു ഇൻവെസ്റ്റിഗേഷൻ ആണ് ഈ ചിത്രം നമ്മുടെ മുന്നിൽ അവതരിപ്പിക്കുന്നത്.