പുതിയ ഒരു സംവിധായകനും ഒരു എഴുത്തുകാരനും വരവറിയിച്ചിരിക്കുന്നു; ആസിഫ് അലിയുടെ കരിയർ ബെസ്റ്റ് ചിത്രമാണ് കെട്ട്യോളാണന്റെ മാലാഖ എന്ന് ലാൽ ജോസ്

മലയാള സിനിമയിൽ അടുത്തിടെ വമ്പൻ തരംഗം സൃഷ്ടിച്ച ആസിഫ് അലി ചിത്രമാണ് കെട്ട്യോളാണന്റെ മാലാഖ. കുടുംബ പ്രേക്ഷകരും യുവാക്കളും ഒരേപോലെ സ്വീകരിച്ച ചിത്രം ബോക്സ് ഓഫീസിൽ വലിയ വിജയം കരസ്ഥമാക്കി. ആസിഫ് അലിയുടെ കരിയറിലെ തന്നെ ഏറ്റവും മികച്ച ചിത്രമെന്ന് പ്രേക്ഷകർ അഭിപ്രായപ്പെട്ട ചിത്രം ഒരുപാട് നിരൂപ പ്രശംസകളും നേടിയിരുന്നു. കെട്ട്യോളാണന്റെ മാലാഖയെ പ്രശംസിച്ചു സംവിധായകൻ ലാൽ ജോസ് രംഗത്ത് എത്തിയിരിക്കുകയാണ്. അൽപം വൈകിയാണ് ചിത്രം കാണാൻ സാധിച്ചതെന്നും ഒരു സംവിധായകനും ഒരു എഴുത്തുകാരനും വരവ് അറിയിച്ചിരിക്കുകയാണെന്ന് അദ്ദേഹം ചൂണ്ടിക്കാട്ടിയിരിക്കുകയാണ്.

ആസിഫ് അലിയുടെ കരിയർ ബെസ്റ്റ് ചിത്രമാണെന്ന് മലയാളത്തിലെ തന്നെ മുൻനിര സംവിധായകനായ ലാൽ ജോസ് കൂടി അടിവരയിട്ട് പറഞ്ഞിരിക്കുകയാണ്. നിഷാം ബഷീറിനെയും അജി പീറ്ററിനെയും പ്രശംസിച്ചാണ് ലാൽ ജോസ് തന്റെ ഫേസ്ബുക്കിൽ കുറിപ്പ് അവസാനിപ്പിച്ചത്. മലയാള സിനിമയിൽ അധികമാരും ചർച്ച ചെയ്യാത്ത വളരെ ഗൗരവമേറിയ വിഷയത്തയെയാണ് വളരെ മനോഹരമാക്കി സംവിധായകൻ അവതരിപ്പിച്ചിരിക്കുന്നത്. മാരിറ്റൽ റെപ്പിനെ പ്രമേയമാക്കി അണിയിച്ചൊരുക്കിയിരിക്കുന്ന ചിത്രം നിഷാം ബഷീർ എന്ന നവാഗതനായ സംവിധായകന് ആദ്യ ചിത്രത്തിലൂടെ തന്നെ കരിയറിൽ നല്ല ബ്രെക്ക് ത്രൂ സമ്മാനിച്ചിരിക്കുകയാണ്. നിഷാം- ആസിഫ് കൂട്ടുകെട്ടിൽ മറ്റൊരു ചിത്രത്തിനായി സിനിമ പ്രേമികൾ കാത്തിരിക്കുകയാണ്.