എന്താണ് പ്രേമതള്ള് ?

നവാഗതനായ അഷ്റഫ് ഹംസ രചനയും സംവിധാനവും നിർവഹിക്കുന്ന വിനയ് ഫോര്‍ട്ട് ചിത്രമാണ് തമാശ. ‘കുമ്പളങ്ങി നൈറ്റ്സ്’ എന്ന സൂപ്പര്‍ഹിറ്റ് ചിത്രത്തിലെ പ്രകടനത്തിലൂടെ ശ്രദ്ധേയയായ ഗ്രേസ് ആൻ്റണിയും വിനയ് ഫോര്‍ട്ടും ഒന്നിക്കുന്ന തമാശയിലെ ആദ്യ ഗാനത്തിൻ്റെ പ്രൊമോ വീഡിയോ പുറത്തുവിട്ടു.
‘പാടി ഞാൻ’ എന്ന ഗാനം തനിനാടൻ ഭാഷയിലാണ് ഒരുക്കിയിരിക്കുന്നത്. തിരക്കഥാകൃത്തും സംവിധായകനുമായ മുഹ്‌സിന്‍ പരാരിയാണു ഗാനത്തിന് വരികള്‍ ഒരുക്കിയിരിക്കുന്നത്. പാട്ടിനിടയിലുള്ള ‘പ്രേമത്തള്ള്’ എന്ന പദം ഇതിനോടകം തന്നെ ഏറെ ശ്രദ്ധ നേടി കഴിഞ്ഞു.പ്രേക്ഷർ ഏറെ കാത്തിരിക്കുന്ന ഈ സോങ് മുഴുവനായി നാളെ പുറത്തിറങ്ങും

‘മായാനദി’ക്കും ‘സുഡാനി ഫ്രം നൈജീരിയ’ക്കും വമ്പൻ വിജയത്തിന് ശേഷം ഷഹബാസ് അമനും റെക്സ് വിജയനും ചേർന്നാണു സംഗീതം ഒരുക്കിയിരിക്കുന്നത്. ഹാപ്പി ഹവേഴ്‌സിന്റെ ബാനറില്‍ സമീര്‍ താഹിര്‍, ഷൈജു ഖാലിദ്, ലിജോ ജോസ് പെല്ലിശ്ശേരി, ചെമ്പൻ വിനോദ് ജോസ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ഒരിടവേളക്ക് ശേഷം സമീര്‍ താഹിര്‍ ചായഗ്രഹണം നിര്‍വഹിക്കുന്ന മലയാള ചിത്രം കൂടിയാണ് ഇത്. ചിത്രത്തില്‍ വിനയ് ഫോര്‍ട്ട് അദ്ധ്യാപകനായാണ് എത്തുന്നത്. ദിവ്യ പ്രഭ, ചിന്നു സരോജിനി, നവാസ് വള്ളിക്കുന്ന്, അരുണ്‍ കുര്യന്‍, ആര്യ സാലിം എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.