സാമി 2 ട്രെയ്‌ലറിനെ വെല്ലുന്ന ടീസറുമായി ചിയാൻ വിക്രമിന്റെ ധ്രുവ നച്ചതിരം…

സിനിമയുടെ പൂർണതയ്ക്ക് വേണ്ടി ഏത് അറ്റം വരെ പോകാൻ തയ്യാറായ സൗത്ത് ഇന്ത്യയിലെ ചുരുക്കം ചില നടന്മാരിൽ ഒരാളാണ് ചിയാൻ വിക്രം. അഭിനയ പ്രാധാന്യമുള്ള ചിത്രങ്ങളിലൂടെ തമിഴ് നാട്ടിൽ തന്റേതായ സ്ഥാനം കണ്ടെത്തിയ താരത്തിന് ഇപ്പോൾ കൈനിറയെ ചിത്രങ്ങളാണ്. സോഷ്യൽ മീഡിയയിൽ ഇപ്പോൾ അദ്ദേഹത്തിന്റെ ചിത്രങ്ങളാണ് നിറഞ്ഞു നിൽക്കുന്നത്. അടുത്തിടെ റിലീസായ സാമി രണ്ടാം ഭാഗത്തിന്റെ ട്രൈലറിലൂടെ തന്റെ തിരിച്ചു വരവ് അറിയിച്ച വിക്രം മാസ്സ് മസാല ചിത്രങ്ങൾ ഇഷ്ടപ്പെടുന്ന തമിഴ് ഓഡിയൻസിന് ഏറെ പ്രതീക്ഷ നൽകുന്ന ടീസർ സമ്മാനിച്ചു , സിങ്കം സീരീസിലൂടെ ശ്രദ്ധയനായ സംവിധായകൻ കൂടിയായ ഹരിയുടെ ലൈറ്റ് ഇഫക്റ്റുകൾ മാത്രമാണ് ടീസറിൽ സിനിമ സ്നേഹികൾക്ക് ചെറിയ തോതിൽ നിരാശ സമ്മാനിച്ചത് എന്നാൽ ഒട്ടും തന്നെ വൈകാതെ അതിനെ വെല്ലുന്ന മറ്റൊരു ഹോളിവുഡ് ലെവലിലുള്ള ടീസറുമായി ചിയാൻ അവതരിച്ചിരിക്കുകയാണ്.

ഗൗതം വാസുദേവ് മേനോൻ സംവിധാനം ചെയ്യുന്ന ‘ധ്രുവ നച്ചതിരം’ സിനിമയുടെ ടീസറാണ് സോഷ്യൽ മീഡിയയിൽ ഇപ്പോൾ ട്രെൻഡിങ്. ഹോളിവുഡ് ലെവലിലുള്ള അവതരണവും പഞ്ചാത്തല സംഗീതവുമാണ് നൽകിയിരിക്കുന്നത്. ചിയാൻ വിക്രമിനെ ഇത്ര സ്റ്റൈലിഷായി അടുത്തൊന്നും കണ്ടട്ടില്ല എന്നതാണ് സത്യം. വർഷങ്ങൾക്ക് മുമ്പ് സൂര്യയെ നായകനാക്കി ചിത്രീകരിക്കാൻ തീരുമാനിച്ചിരുന്ന ചിത്രമായിരുന്നു ‘ധ്രുവ നച്ചതിരം’. ഹാരിസ് ജയരാജാണ് ചിത്രത്തിന് സംഗീതം നൽകിയിരിക്കുന്നത്. ഋതു വർമ്മയും ഐശ്വര്യ രാജേഷുമാണ് നായികമാർ. ഛായാഗ്രഹണം നിർവഹിക്കുന്നത് മനോജ് , ജോമോൻ ടി. ജോൻ ,സന്താന കൃഷ്ണൻ , രവിചന്ദ്രൻ എന്നിവർ ചേർന്നാണ്. എഡിറ്റിംഗ് നിർവഹിക്കുന്നത് പ്രവീൺ ആന്റണിയാണ്. ഒൻട്രാഗെ എന്റർടൈന്മെന്റസിന്റെ ബാനറിൽ ഗൗതം മേനോൻ, വെങ്കട്ട് , സോമസുന്ദരം ,രേഷ്മ , മദൻ , സെന്തിൽ തുടങ്ങിയവർ ചേർന്നാണ് നിമ്മിക്കുന്നത്. ഈ വർഷം തന്നെ തീയറ്ററുകളിൽ പ്രദർശനത്തിനെത്തും.