വാ വേലയ്ക്കാര ലിറിക് വീഡിയോ പ്രേക്ഷക ഹൃദയം കീഴടക്കുന്നു: വേലയ്ക്കാരൻ ഡിസംബർ 22 മുതൽ.

തനി ഒരുവൻ എന്ന സൂപ്പർ ഹിറ്റ് ചിത്രത്തിന് ശേഷം സംവിധായകൻ മോഹൻ രാജ ഒരുക്കിയ തമിഴ് ചിത്രമാണ് വേലയ്ക്കാരൻ. തമിഴ് യുവ താരം ശിവകർത്തികേയനും മലയാളത്തിന്റെ സ്വന്തം ഫഹദ് ഫാസിലും പ്രധാന വേഷത്തിൽ എത്തുന്ന ഈ ചിത്രത്തിലെ നായിക തമിഴിലെ ലേഡി സൂപ്പർ സ്റ്റാർ ആയ നയൻ താര ആണ്. ഈ ഒരു കോമ്പിനേഷൻ ഉള്ളത് കൊണ്ട് തന്നെ ഈ ചിത്രത്തിനായി പ്രേക്ഷകർ ആകാംഷയോടെയാണ് കാത്തിരിക്കുന്നത്. വരുന്ന ഡിസംമ്പർ 22 നു ഈ ചിത്രം ലോകമെമ്പാടും പ്രദർശനം ആരംഭിക്കും . ഫഹദ് ഫാസിലിന്റെ ആദ്യ തമിഴ് ചിത്രം എന്ന പ്രത്യേകതയും ഇതിനുണ്ട്. ഇപ്പോൾ ഈ ചിത്രത്തിലെ ഗാനങ്ങൾ എല്ലാം തന്നെ സൂപ്പർ ഹിറ്റുകൾ ആയി കഴിഞ്ഞു.

ഈ ചിത്രത്തിലെ വാ വേലയ്ക്കാര എന്ന് തുടങ്ങുന്ന ഗാനമാണ് ഇപ്പോൾ പ്രേക്ഷകരെ ആകർഷിക്കുന്ന ഗാനം. അനിരുദ്ധ് രവിചന്ദർ ആണ് ഈ ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. വാ വേലയ്ക്കാര എന്ന് തുടങ്ങുന്ന ഗാനം റിലീസ് ചെയ്തത് ഇന്നാണ്. റിലീസ് ചെയ്ത നിമിഷം മുതൽ വലിയ ജനപ്രീതിയാണ് ഈ ഗാനം നേടി എടുക്കുന്നത്. യൂട്യൂബിൽ റിലീസ് ചെയ്ത ഈ ഗാനത്തിന്റെ ലിറിക് വീഡിയോ സംഗീത പ്രേമികൾ ആവേശത്തോടെയാണ് സ്വീകരിക്കുന്നത്. 24 എ എം സ്റ്റുഡിയോയുടെ ബാനറിൽ ആർ ഡി രാജ നിർമ്മിച്ചിരിക്കുന്ന ഈ ചിത്രം ഒരു കമ്പ്ലീറ്റ് എന്റെർറ്റൈനെർ ആയാണ് ഒരുക്കിയിരിക്കുന്നത്. പ്രകാശ് രാജ്, സ്നേഹ, ആർ ജെ ബാലാജി, സതീഷ്, റോബോ ശങ്കർ, വിജയ് വസന്ത് എന്നിവരും ഈ ചിത്രത്തിന്റെ താര നിരയുടെ ഭാഗം ആണ്.