അതീവ ഗ്ലാമറസ് രംഗങ്ങളുമായി ‘റൊമാന്റിക് ‘ ട്രെയിലർ

തെലുങ്ക് സിനിമയിലെ പ്രശസ്ത സംവിധായകനും തിരക്കഥാകൃത്തുമായ പുരി ജഗന്നാഥിന്റെ മകൻ ആകാശ് കേന്ദ്ര കഥാപാത്രങ്ങളെ അവതരിപ്പിക്കുന്ന ‘റൊമാന്റിക്’ എന്ന സിനിമയുടെ ട്രെയിലര്‍ റീലിസ് ആയി. ധോണി, മെഹബൂബ, ആന്ധ്ര പൊരി എന്നീ സിനിമകളിലൂടെ ശ്രദ്ധേയനാണ് ആകാശ്. കുറഞ്ഞ ദിവസങ്ങൾ കൊണ്ട് 6 മില്യൺ കാഴ്ചക്കാരെയാണ് അതീവ ഗ്ലാമറസ് രംഗങ്ങളുമായി എത്തിയ ട്രെയ്‌ലർ നേടിയെടുത്തത്.

റൊമാന്റിക് ആക്‌ഷൻ ത്രില്ലറായയി ഒരുക്കിയിരിക്കുന്ന ഈ ചിത്രത്തിൽ ആകാശിനൊപ്പം നായികയായി എത്തുന്നത് കേതിക ശര്‍മ്മയുമാണ്.മന്ദിര ബേദി, രമ്യ കൃഷ്ണൻ, മകരന്ദ് ദേശ്പാണ്ഡെ, ദിവ്യദർശിനി തുടങ്ങി വലിയ താരനിര തന്നെ ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്.

നവാഗതനായ അനില്‍ പാദുരി സംവിധാനം ചെയ്ത ചിത്രം ഈ മാസം 29 ന് റിലീസ് ചെയ്യും. രചന നിര്‍വഹിച്ചിരിക്കുന്നത് പുരി ജഗന്നാഥ് തന്നെയാണ്. ‘റൊമാന്റിക്’ എന്ന സിനിമയുടെ ട്രെയിലര്‍ കണ്ട ശേഷം പ്രേക്ഷകര്‍ ചോദിക്കുന്നത് ചിത്രം മറ്റൊരു അര്‍ജുന്‍ റെഡി ആകുമോ എന്ന ചോദ്യമാണ്.