ജയസൂര്യ- രഞ്ജിത് ശങ്കർ ടീം അഞ്ചാമതും ഒന്നിക്കുകയാണ്. പുണ്യാളൻ അഗർബത്തീസ്, സു സു സുധി വാത്മീകം, പ്രേതം, പുണ്യാളൻ പ്രൈവറ്റ് ലിമിറ്റഡ് എന്നീ സൂപ്പർ ഹിറ്റ് ചിത്രങ്ങൾക്ക് ശേഷം ഈ ടീം ഒന്നിക്കുന്ന പുതിയ ചിത്രമാണ് ഞാൻ മേരിക്കുട്ടി. പതിവ് പോലെ ഡ്രീംസ് ആൻഡ് ബീയോണ്ട് എന്ന ബാനറിൽ ഇവർ രണ്ടു പേരും തന്നെയാണ് ഈ ചിത്രം നിർമ്മിക്കുന്നതും. ഇപ്പോഴിതാ ഈ ചിത്രത്തിന്റെ ആദ്യ ടീസർ റിലീസ് ചെയ്തിരിക്കുകയാണ്. ആദ്യ ടീസർ കണ്ടു അക്ഷരാർഥത്തിൽ ഞെട്ടിയിരിക്കുകയാണ് സിനിമാപ്രേമികൾ എന്ന് പറയാം. ജയസൂര്യയുടെ കിടിലൻ മേക് ഓവർ തന്നെയാണ് അതിനു കാരണം. ഈ ചിത്രത്തിൽ ഒരു ട്രാൻസ് ജൻഡർ ആയാണ് ജയസൂര്യ അഭിനയിക്കുന്നത് എന്നാണ് റിപ്പോർട്ടുകൾ സൂചിപ്പിക്കുന്നത് . അതിനു വേണ്ടി പെൺ വേഷത്തിലാണ് അദ്ദേഹം ഈ ചിത്രത്തിൽ പ്രത്യക്ഷപ്പെടുന്നത്.
ടീസറിൽ അദ്ദേഹത്തിന്റെ രണ്ടു ഗെറ്റപ്പുകൾ ആണ് കാണിക്കുന്നത്. താടിയുള്ള ആൺ വേഷത്തിലുള്ള ജയസൂര്യയും താടിയും മീശയും ഇല്ലാത്ത പെൺവേഷത്തിലുള്ള ജയസൂര്യയും ഈ ടീസറിൽ പ്രത്യക്ഷപ്പെടുന്നു. രഞ്ജിത് ശങ്കർ തന്നെ രചന നിർവഹിച്ച ഈ ചിത്രം ചിത്രീകരണം ആരംഭിച്ചു കഴിഞ്ഞു. ഇവരയുടെ തന്നെ ഉടമസ്ഥതയിൽ ഉള്ള പുണ്യാളൻ സിനിമാസ് ആയിരിക്കും ഈ ചിത്രം വിതരണം ചെയ്യുക. ഏതായാലും ചിത്രത്തിന്റെ ഫസ്റ്റ് ലുക്ക് ടീസർ മിന്നിച്ചതോടെ പ്രേക്ഷകരുടെ പ്രതീക്ഷകൾ വാനോളം ഉയർന്നിരിക്കുകയാണ്. ഒരിക്കൽ കൂടി ഒരു ക്ലാസ് എന്റെർറ്റൈനെർ ആയിരിക്കും ഈ ടീമിൽ നിന്ന് ലഭിക്കുക എന്ന് ഉറപ്പായി കഴിഞ്ഞു. ജയസൂര്യ എന്ന നടന്റെ മറ്റൊരു വിസ്മയിപ്പിക്കുന്ന പ്രകടനത്തിനായിരിക്കും ഈ ചിത്രം കളമൊരുക്കുക എന്ന സൂചനയും ടീസർ തരുന്നുണ്ട്. കഴിഞ്ഞ മാസം റിലീസ് ചെയ്ത ക്യാപ്റ്റൻ എന്ന എന്ന ചിത്രത്തിലെ ഗംഭീര പ്രകടനത്തിന് ജയസൂര്യ ഒരുപാട് അഭിനന്ദനങ്ങൾ നേടിയിരുന്നു.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.