ചുറ്റും പ്രശ്നങ്ങള്‍, എനിക്ക് നിങ്ങളുടെ കരുതല്‍ വേണം; പൊട്ടിക്കരഞ്ഞ് തമിഴ് താരം ചിമ്പു; വീഡിയോ കാണാം..!

തമിഴ് നാട്ടിൽ വലിയ ആരാധന വൃന്ദമുള്ള താരങ്ങളിൽ ഒരാളാണ് ചിമ്പു. ഇപ്പോഴിതാ തന്റെ പുതിയ ചിത്രവുമായി എത്തുകയാണ് അദ്ദേഹം. മാനാട് എന്ന് പേരിട്ടിരിക്കുന്ന ഈ ചിത്രം ഈ വരുന്ന നവംബർ 25 നു ആണ് ലോകം മുഴുവൻ റിലീസ് ചെയ്യുക. വെങ്കട് പ്രഭു രചിച്ചു സംവിധാനം ചെയ്ത ഈ ചിത്രത്തിൽ കല്യാണി പ്രിയദർശൻ ആണ് നായികാ വേഷം ചെയ്യുന്നത്. എസ് ജെ സൂര്യ, പ്രേംജി അമരൻ എന്നിവരും അഭിനയിച്ച ഈ ചിത്രത്തിന്റെ പ്രമോഷന്‍ പരിപാടി ചെന്നൈയിൽ വെച്ച് നടന്നു. എന്നാൽ ആ ചടങ്ങിൽ നിന്ന് സോഷ്യൽ മീഡിയയിൽ വൈറലായി മാറുന്നത് നടൻ ചിമ്പു സ്റ്റേജിൽ നിന്ന് പൊട്ടിക്കരയുന്ന വീഡിയോ ആണ്. ജീവിതത്തില്‍ ഒരുപാട് പ്രശ്‌നങ്ങള്‍ നേരിട്ടുകൊണ്ടിരിക്കുകയാണ് താനെന്നും അതുകൊണ്ടു തന്നെ ഇപ്പോള്‍ ആരാധകരുടെ സ്‌നേഹവും പിന്തുണയും മാത്രമാണ് തനിക്ക് വേണ്ടതെന്നും ചിമ്പു പറയുന്നു. മാനാടിന്റെ റിലീസ് തീരുമാനിച്ചതിന് ശേഷം ചിമ്പുവിന് വധഭീഷണി നേരിടേണ്ടി വന്നു എന്ന് റിപ്പോർട്ടുകൾ വന്നിരുന്നു.

ഈ ചിത്രം ബിഗ് സ്‌ക്രീനില്‍ കാണുമ്പോള്‍ എല്ലാവർക്കും ഇഷ്ടപ്പെടുമെന്നും ചിത്രത്തിന്റെ പിന്നില്‍ പ്രവര്‍ത്തിച്ചവരെല്ലാം വളരെ അധികം പ്രയത്‌നിച്ചിട്ടുണ്ട് എന്നും ചിമ്പു പറയുന്നു. അബ്ദുള്‍ ഖാലിഖ് എന്ന തന്റെ കഥാപാത്രം ഏറെ ഇഷ്ടപ്പെട്ടു ചെയ്ത ഒന്നാണെന്നും അദ്ദേഹം വെളിപ്പെടുത്തി. കുറച്ച് കാലമായി അഭിമുഖീകരിക്കുന്ന പ്രശ്‌നങ്ങളും വിഷമങ്ങളും വളരെയധികം ബുദ്ധിമുട്ടിക്കുന്നുണ്ട് എന്നും അതെല്ലാം താൻ നേരിടുമെന്നും ചിമ്പു തന്റെ പ്രസംഗത്തിൽ പറഞ്ഞു. പക്ഷെ അതിനു വേണ്ടി തനിക്കു ആരാധകരുടെ കരുതൽ ആണ് ഇപ്പോൾ വേണ്ടതെന്നാണ് ചിമ്പു പൊട്ടിക്കരഞ്ഞു കൊണ്ട് പറയുന്നത്. ഏതായാലും ആ വീഡിയോ ഇപ്പോൾ വലിയ രീതിയിലാണ് പ്രചരിക്കുന്നതു.