സുരേഷ് ഗോപിയുടെ മക്കളുടെ ഫോട്ടോഷൂട്ട് വിഡിയോ ശ്രദ്ധ നേടുന്നു

മലയാള സിനിമയിലെ ആക്ഷൻ സൂപ്പർ സ്റ്റാറാണ് സുരേഷ് ഗോപി. പോലീസ് വേഷങ്ങൾ ഇത്രയും മനോഹരമായി ചെയ്യുന്ന നടൻ ഒരുപക്ഷേ മലയാള സിനിമയിൽ ഉണ്ടാവില്ല. ഒരിടവേളയ്ക്ക് ശേഷം താരം വലിയൊരു തിരിച്ചു വരവിന് ഒരുങ്ങുകയാണ്. സുരേഷ് ഗോപിയുടെ പുതിയ ചിത്രങ്ങളുടെ പോസ്റ്റർ വൈറലാകുന്നത് പോലെ ഇപ്പോൾ സുരേഷ് ഗോപിയുടെ മക്കളുടെ ഫോട്ടോ ഷൂട്ടാണ് ഇപ്പോൾ സമൂഹ മാധ്യമങ്ങളിൽ തരംഗം സൃഷ്ട്ടിക്കുന്നത്. ഭാഗ്യ സുരേഷ്, ഭാവ്നി സുരേഷ് എന്നിവരുടെ ഓണം സ്‌പെഷ്യൽ ഫോട്ടോഷൂട്ടാണ് ശ്രദ്ധ നേടുന്നത്.

വേദികളുടെ ഓണം കളക്ഷന് വേണ്ടിയാണ് താരപുത്രിമാർ മോഡലുകളായി പ്രത്യക്ഷപ്പെട്ടിരിക്കുന്നത്. വേദികയുടെ ഇൻസ്റ്റാഗ്രാം പേജിലാണ് ചിത്രങ്ങൾ ആദ്യം പുറത്തിറങ്ങിയത്. സാരി ലുക്കിൽ മനോഹരമായ ചിത്രങ്ങളാണ് പുറത്ത് വിട്ടിരിക്കുന്നത്. ഫോട്ടോഷൂട്ടിന്റെ വീഡിയോ ഇതിനോടകം പ്രേക്ഷകർ ഇരുകൈയും നീട്ടി സ്വീകരിച്ചു കഴിഞ്ഞു. സുരേഷ് ഗോപിയ്ക്ക് 4 മക്കളാണ് ഉള്ളത്. ഗോകുൽ സുരേഷ്, മാധവ് സുരേഷ് എന്നിവരാണ് മറ്റ് രണ്ട് ആൺമക്കൾ. ഗോകുൽ സുരേഷ് ഇപ്പോൾ മലയാള സിനിമയിൽ സജീവമായി കൊണ്ടിരിക്കുകയാണ്. വളരെ കുറച്ചു ചിത്രങ്ങൾ മാത്രം അഭിനയിച്ചിട്ടുള്ള ഗോകുൽ സുരേഷിന് അച്ഛന്റെ മാനറിസവും രൂപ സാദൃശ്യവും കിട്ടിയിട്ടുണ്ട് എന്നാണ് സിനിമ പ്രേമികൾ വിലയിരുത്തിയിരിക്കുന്നത്. നിതിൻ രഞ്ജി പണിക്കർ സംവിധാനം ചെയ്യുന്ന കാവലാണ് സിനിമ പ്രേമികളും ആരാധകരും ഏറെ പ്രതീക്ഷയോടെ കാത്തിരിക്കുന്ന സുരേഷ് ഗോപി ചിത്രം. ടോമിച്ചൻ മുളകുപാടം നിർമ്മിച്ചിരിക്കുന്ന ഈ ചിത്രം അണിയറയിൽ ഒരുങ്ങുകയാണ്.

ഫോട്ടോ കടപ്പാട്: vedhikafashion