ആക്ഷൻ സൂപ്പർ സ്റ്റാർ സുരേഷ് ഗോപിയെ നായകനാക്കി മാസ്റ്റർ ഡയറക്ടർ ജോഷി സംവിധാനം ചെയ്ത പാപ്പൻ ഗംഭീര വിജയം നേടിയാണ് ഇപ്പോൾ മുന്നേറുന്നത്. ഈ കഴിഞ്ഞ വെള്ളിയാഴ്ച ഗൾഫിലും റിലീസ് ചെയ്ത ഈ ചിത്രം അവിടേയും മികച്ച പ്രതികരണമാണ് നേടുന്നത്. ചിത്രം പ്രേക്ഷകരോടൊപ്പം കാണാൻ ഗൾഫിലെത്തിയ സുരേഷ് ഗോപിയും സംഘവും പാപ്പന്റെ വിജയം അവിടെ ആഘോഷിച്ചു. അതിന്റെ വീഡിയോ നൈല ഉഷയാണ് തന്റെ ഇൻസ്റ്റാഗ്രാം സ്റ്റോറി വഴി പുറത്തു വിട്ടത്. സുരേഷ് ഗോപിയോടൊപ്പം, സംവിധായകൻ ജോഷി, സുരേഷ് ഗോപിയുടെ മകനും ഈ ചിത്രത്തിലെ ഒരു താരവുമായ ഗോകുൽ സുരേഷ്, നൈല ഉഷ, ഇതിൽ പ്രധാന വേഷം ചെയ്ത നീത പിള്ളൈ എന്നിവരും ഉണ്ടായിരുന്നു. ദുബായിലെ ലുലു മാളിൽ വെച്ച് കേക്ക് മുറിച്ചാണ് അവർ ചിത്രത്തിന്റെ വിജയം ആഘോഷിച്ചത്.
https://youtube.com/shorts/TDX-WcuCWec
ഗൾഫിൽ 108 ലൊക്കേഷനിൽ റിലീസ് ചെയ്ത ഈ ചിത്രം മറ്റു വിദേശ മാർക്കറ്റുകളിലും റസ്റ്റ് ഓഫ് ഇന്ത്യ മാർക്കറ്റിലും ഈ കഴിഞ്ഞ വെള്ളിയാഴ്ചയാണ് റിലീസ് ചെയ്തത്. കേരളത്തിൽ ഇപ്പോഴും മികച്ച കളക്ഷൻ നേടി മുന്നേറുകയാണ് ഈ ചിത്രം. ആർ ജെ ഷാൻ രചിച്ച ഈ മാസ്സ് ക്രൈം ത്രില്ലർ ചിത്രം ആരാധകർക്കും യുവ പ്രേക്ഷകർക്കുമൊപ്പം കുടുംബ പ്രേക്ഷകരും സ്വീകരിച്ചു കഴിഞ്ഞു. എബ്രഹാം മാത്യു മാത്തൻ എന്ന റിട്ടയേർഡ് പോലീസ് ഓഫീസറായി ഗംഭീര പ്രകടനമാണ് ഈ ചിത്രത്തിൽ സുരേഷ് ഗോപി നൽകിയത്. ഡേവിഡ് കാച്ചപ്പിള്ളി പ്രൊഡക്ഷൻസിന്റെയും ഇഫാർ മീഡിയയുടെയും, ശ്രീ ഗോകുലം മൂവീസിന്റെയും ബാനറിൽ യഥാക്രമം ഡേവിഡ് കാച്ചപ്പിള്ളിയും റാഫി മതിരയും ഗോകുലം ഗോപാലനും ചേർന്നാണ് പാപ്പൻ നിർമ്മിച്ചിരിക്കുന്നത്.
പോംപി എന്റർടൈൻമെന്റ്സ് & ഫ്ലൈയിങ് കളേഴ്സ് എന്റർടൈൻമെന്റ്സ് ചേർന്നൊരുക്കുന്ന ഏറ്റവും പുതിയ ചിത്രം ആരണ്യകാണ്ഡത്തിന്റെ പൂജ ഇന്ന് അഞ്ചുമന ക്ഷേത്രത്തിൽ…
മലയാള സിനിമയിൽ വ്യത്യസ്തമായൊരു ഫാന്റസി കോമഡി ത്രില്ലർ അനുഭവം സമ്മാനിക്കുകയാണ് പ്രിൻസ് ജോയ് സംവിധാനം ചെയ്ത ‘ടൈറ്റൻസ്’. കോമഡിയും ക്രൈമും…
ജയസൂര്യയും വിനായകനും പ്രധാന വേഷങ്ങളിലെത്തുന്ന പ്രിൻസ് ജോയ് ചിത്രം ‘ടൈറ്റൻസി’ന്റെ അഡ്വാൻസ് ടിക്കറ്റ് ബുക്കിംഗ് ആരംഭിച്ചു. ഒക്ടോബർ 22ന് ആഗോളതലത്തിൽ…
അനൂപ് മേനോനും ഐശ്വര്യ മിഥുൻ കോറോത്തും പ്രധാന വേഷങ്ങളിൽ എത്തിയ ചിത്രം 'ചിരം ' കണ്ട എംഎൽഎ ഫാത്തിമ തഹ്ളിയ…
ജയസൂര്യയും വിനായകനും പ്രധാന വേഷങ്ങളിലെത്തുന്ന ‘ടൈറ്റൻസ്’ സിനിമയുടെ സെൻസറിംഗ് പൂർത്തിയായി. ചിത്രത്തിന് U/A 16+ സർട്ടിഫിക്കറ്റാണ് ലഭിച്ചത്. പ്രിൻസ് ജോയ്…
ജയസൂര്യയെ നായകനാക്കി പ്രിൻസ് ജോയ് സംവിധാനം ചെയ്യുന്ന ‘ടൈറ്റൻസി’ലെ വീഡിയോ ഗാനം ‘ആഗോള ശൃംഖല’ പുറത്തിറങ്ങി. വൈക്കം വിജയലക്ഷ്മിയും സന്നിധാനന്ദനും…
This website uses cookies.