സോഷ്യൽ മീഡിയ പൊളിച്ചടുക്കി ശിഖ പ്രഭാകരന്റെ പുതിയ ആൽബം സോംഗ് ‘എല്ലാം പോച്ചുടാ’

മലയാളി പ്രേക്ഷകരുടെ പ്രിയപ്പെട്ട ഗായികയും കലാകാരിയുമായ ശിഖ പ്രഭാകരന്റെ പുതിയ ആൽബം സോംഗ് ‘എല്ലാം പോച്ചുടാ’ ശ്രദ്ധേയമാകുന്നു. വ്യത്യസ്തമായ സംഗീതവും വർണ്ണാഭമായ ദൃശ്യാവിഷ്കാരവുമായി ഒരുങ്ങുന്ന ഗാനം ഇതിനോടകം ശ്രദ്ധ നേടുകയാണ്. പരമ്പരാഗത വേഷവിധാനവും ആഘോഷങ്ങളുടെ നിറപ്പകിട്ടും കോർത്തിണക്കിയ ശിഖ പ്രഭാകരന്റെ വേറിട്ട ഗെറ്റപ്പാണ് പ്രധാന ആകർഷണം.

ഗായികയായി നിരവധി സംഗീതാസ്വാദകരുടെ ശ്രദ്ധ നേടിയ ശിഖ, ‘എല്ലാം പോച്ചുടാ’യിലൂടെ ഗായികയായും അഭിനേത്രിയായും എത്തുകയാണ്. പരമ്പരാഗത വേഷവിധാനത്തിനൊപ്പം മോഡേൺ ടച്ചും ചേർത്തുള്ള ശിഖയുടെ ലുക്കും ചടുലമായ പെർഫോമൻസും ഗാനത്തിന്റെ പ്രധാന ആകർഷണങ്ങളിലൊന്നാണ്.
പരമ്പരാഗതയും ആഘോഷമുഹൂർത്തങ്ങളുടെ നിറപ്പകിട്ടും സമന്വയിപ്പിക്കുന്ന വേറിട്ടൊരു വിഷ്വൽ ട്രീറ്റാണ് എല്ലാം പോച്ചുടാ.

ഹെൽവിൻ കെ എസ് ആണ് ആൽബത്തിന്റെ മ്യൂസിക്. വിജയ് രാഗവിന്റേതാണ് വരികൾ.ഫൈസൽ റാസി പ്രൊഡക്ഷൻസിന്റെ ബാനറിൽ ഒരുങ്ങുന്ന ‘എല്ലാം പോച്ചുടാ’ പ്രേക്ഷകർക്ക് പുതിയൊരു സംഗീതാനുഭവം സമ്മാനിക്കുമെന്ന പ്രതീക്ഷയിലാണ് അണിയറ പ്രവർത്തകർ. ഗാനത്തിന്റെ വ്യത്യസ്തമായ വിഷ്വൽ ട്രീറ്റ്മെന്റും ശിഖ പ്രഭാകരന്റെ സാന്നിധ്യവും ഇതിനോടകം തന്നെ സോഷ്യൽ മീഡിയയിൽ ശ്രദ്ധ നേടുകയാണ്.