ക്രിക്കറ്റിന്റെ ആവേശവും പ്രണയവും തമാശയും നിറഞ്ഞ സച്ചിന്റെ പുതിയ ട്രെയ്‌ലർ കാണാം

ധ്യാൻ ശ്രീനിവാസൻ- അജു വർഗീസ് എന്നിവർ പ്രധാന വേഷങ്ങളിൽ എത്തിയ സച്ചിൻ എന്ന ചിത്രം ഇപ്പോൾ കേരളത്തിലും വിദേശത്തും സൂപ്പർ ഹിറ്റായി മുന്നേറുകയാണ്. ചിത്രത്തിന്റെ വിജയകരമായ പ്രദശനം രണ്ടാം വാരം തുടരവേ പുതിയ ടീസർ അണിയറ പ്രവർത്തകർ പുറത്തു വിട്ടിരിക്കുകയാണ്. ചിരിപ്പിക്കുന്ന മുഹൂർത്തങ്ങൾ നിറഞ്ഞ രസകരമായ ഒരു ക്ലീൻ എന്റർറ്റെയിനെർ ആയാണ് സച്ചിൻ ഒരുക്കിയിരിക്കുന്നത്. ക്രിക്കറ്റിന്റെ ആവേശവും പ്രണയവും തമാശയും നിറഞ്ഞ ഈ ചിത്രം കുടുംബ പ്രേക്ഷകരും യുവാക്കളും ഇരു കയ്യും നീട്ടിയാണ് ഏറ്റെടുത്തുകൊണ്ടിരിക്കുന്നത്‌ . മണി രത്‌നം എന്ന ഫഹദ് ഫാസിൽ ചിത്രമൊരുക്കി അരങ്ങേറിയ സന്തോഷ് നായർ സംവിധാനം ചെയ്ത ഈ ചിത്രത്തിന് തിരക്കഥ ഒരുക്കിയിരിക്കുന്നത് പ്രശസ്ത സംവിധായകനും കൂടിയായ എസ് എൽ പുരം ജയസൂര്യ ആണ്.

ഹരിഷ് കണാരൻ, അപ്പാനി ശരത്, രമേശ് പിഷാരടി, രഞ്ജി പണിക്കർ, മണിയൻ പിള്ള രാജു, കൊച്ചു പ്രേമൻ, ബാലാജി ശർമ്മ എന്നിവരും പ്രധാന വേഷങ്ങൾ ചെയ്ത ഈ ചിത്രത്തിലെ നായികാ വേഷം ചെയ്തിരിക്കുന്നത് അങ്കമാലി ഡയറീസിലൂടെ ശ്രദ്ധേയയായ അന്ന രാജൻ ആണ്. ജൂഡ് ആഗ്നെൽ സുധിർ, ജൂബി നൈനാൻ എന്നിവർ ചേർന്ന് ജെ ജെ പ്രൊഡക്ഷൻസിന്റെ ബാനറിൽ ആണ് ഈ ചിത്രം നിർമ്മിച്ചിരിക്കുന്നത്.ഷാൻ റഹ്മാൻ സംഗീതം നൽകിയിരിക്കുന്ന ഈ ചിത്രം . രഞ്ജൻ എബ്രഹാം എഡിറ്റിങ്ങും കാമറ ചലിപ്പിച്ചിരിക്കുന്നത് നീൽ ഡി ആണ്.