മെഗാ സ്റ്റാറിന്റെ ആചാര്യയിലെ ഗാനമെത്തി; ചിരഞ്ജീവിക്കൊപ്പം ത്രസിപ്പിക്കുന്ന നൃത്തവുമായി റജീന; വീഡിയോ കാണാം..!

തെന്നിന്ത്യൻ സിനിമയുടെ മെഗാ സ്റ്റാർ ആയ ചിരഞ്ജീവി നായകനായി എത്തുന്ന പുതിയ ചിത്രമാണ് ആചാര്യ. ഈ വർഷം ആദ്യ പാദത്തിൽ റിലീസ് ചെയ്യാൻ തയ്യാറെടുക്കുന്ന ബിഗ് ബഡ്ജറ്റ് ആക്ഷൻ ചിത്രമായ ആചാര്യ ഒരുക്കിയിരിക്കുന്നത് സൂപ്പർ ഹിറ്റ് സംവിധായകൻ ആയ കൊരടാല ശിവ ആണ്. ഇപ്പോഴിതാ ഈ ചിത്രത്തിലെ ഒരു വീഡിയോ സോങ് ഇന്ന് പുറത്തു വന്നിരിക്കുകയാണ്. സാന കഷ്ടം എന്ന വരികളോടെ തുടങ്ങുന്ന ഈ ഗാനത്തിന്റെ ലിറിക്കൽ വീഡിയോ ആണ് എത്തിയിരിക്കുന്നത്. വരികൾക്കൊപ്പം ചിത്രത്തിലെ ദൃശ്യങ്ങളും ഈ വീഡിയോയിൽ കാണാം. മെഗാ സ്റ്റാർ ചിരഞ്ജീവിയുടെ അടിപൊളി നൃത്തത്തിനൊപ്പം തന്നെ റജീന കസാൻഡ്രയുടെ ത്രസിപ്പിക്കുന്ന ഗ്ലാമർ നൃത്ത ചുവടുകളും ഈ ഗാനത്തിന്റെ ഹൈലൈറ്റ് ആണ്. വലിയ രീതിയിലുള്ള മേനി പ്രദർശനമാണ് റജീന ഈ ഗാനരംഗത്തിൽ നടത്തിയിരിക്കുന്നത് എന്നത് ശ്രദ്ധേയമാണ്.

ചിരഞ്ജീവിക്കൊപ്പം മകൻ റാം ചരൺ കൂടി സ്‌ക്രീനിലെത്തുന്ന ഈ ചിത്രത്തിലെ നായികാ വേഷങ്ങൾ ചെയ്തിരിക്കുന്നത് പൂജ ഹെഗ്‌ഡെ, കാജൽ അഗർവാൾ എന്നിവരാണ്. കൊരടാല ശിവ തന്നെയാണ് ഈ ചിത്രത്തിന്റെ രചനയും നിർവഹിച്ചിരിക്കുന്നത്. നിരഞ്ജൻ റെഡ്‌ഡി, അന്വേഷ റെഡ്‌ഡി എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചിരിക്കുന്നതു തിരുവും സംഗീതമൊരുക്കിയിരിക്കുന്നത് മണി ശർമ്മയുമാണ്. നവീൻ നൂലി ആണ് ഈ ചിത്രത്തിന്റെ എഡിറ്റർ. നേരത്തെ ഈ ചിത്രത്തിന്റെ ടീസർ പുറത്തു വരികയും സൂപ്പർ ഹിറ്റായി മാറുകയും ചെയ്തിരുന്നു. രേവന്ത്, ഗീത മാധുരി എന്നിവർ ചേർന്നാണ് ഇപ്പോൾ പുറത്തു വന്നിരിക്കുന്ന ഗാനം ആലപിച്ചിരിക്കുന്നത്. ഭാസ്കര ബട്ല ആണ് ഈ ഗാനം രചിച്ചിരിക്കുന്നത്.