പുഷ്പക്ക് ശേഷം വീണ്ടും ഗ്ലാമറസ് ആയി രശ്‌മിക മന്ദനാ; ഗാനം കാണാം..!

ബ്ലോക്ക്ബസ്റ്റർ ആയ പുഷ്പ എന്ന ചിത്രത്തിന് ശേഷം രശ്‌മിക മന്ദനാ നായികാ വേഷം ചെയ്യുന്ന ചിത്രമാണ് ആടവള്ളൂ മീക്കു ജോഹാർളു. ഇപ്പോഴിതാ ഈ ചിത്രത്തിന്റെ ആദ്യത്തെ സോങ് വീഡിയോയുടെ പ്രോമോ വന്നിരിക്കുകയാണ്. ഓ മൈ ആദ്യ എന്ന് തുടങ്ങുന്ന ഗാനത്തിന്റെ പ്രോമോ വീഡിയോ ആണ് എത്തിയിരിക്കുന്നത്. ദേവിശ്രീ പ്രസാദ് ഈണം നൽകിയിരിക്കുന്ന ഈ ഗാനം രചിച്ചിരിക്കുന്നത് ശ്രീ മണി ആണ്. യാസീൻ നിസാർ ആണ് ഈ ഗാനം ആലപിച്ചിരിക്കുന്നത്. വളരെ ഗ്ലാമറസ് ആയാണ് ഈ ഗാന രംഗത്തിൽ രശ്‌മിക പ്രത്യക്ഷപ്പെട്ടിരിക്കുന്നത്. പുഷ്പയിലെ രശ്‌മിക ഉള്ള ഗാനവും ഈ നടിയുടെ നൃത്തവും ഏറെ ശ്രദ്ധിക്കപ്പെട്ടിരുന്നു. അതിലും അതീവ ഗ്ളാമറസ് ആയി തന്നെയാണ് രശ്‌മിക എത്തിച്ചേർന്നത്.

ശർവാനന്ദ് നായകനായി എത്തുന്ന ഈ പുതിയ ചിത്രത്തിൽ, ഖുശ്‌ബു, രാധിക ശരത്കുമാർ, ഉർവശി, ഝാൻസി, കല്യാണി നടരാജൻ, രാജശ്രീ നായർ, സത്യാ കൃഷ്ണ, ബെനെര്ജി, ഗോപരാജു രമണ എന്നിവരും അഭിനയിച്ചിരിക്കുന്നു. തിരുമല കിഷോർ രചിച്ചു സംവിധാനം ചെയ്തിരിക്കുന്ന ഈ ചിത്രം നിർമ്മിച്ചിരിക്കുന്നത് സുധാകർ ചെറുകുറി ആണ്. ശ്രീകർ പീസാദ് എഡിറ്റിംഗ് നിർവഹിച്ച ആടവള്ളൂ മീക്കു ജോഹാർളുവിനു വേണ്ടി കാമറ ചലിപ്പിച്ചത് സുജിത് സാരംഗ് ആണ്. ദേശീയ അവാർഡ് ജേതാവായ പീറ്റർ ഹെയ്‌ൻ ആണ് ഈ ചിത്രത്തിന്റെ ആക്ഷൻ സംവിധായകൻ. ഇന്ന് റിലീസ് ചെയ്ത ഇതിന്റെ ഗാനത്തിന്റെ പ്രോമോ വീഡിയോക്ക് ഇതിനോടകം തന്നെ രണ്ടു ലക്ഷത്തോളം കാഴ്ചക്കാരെയാണ് ലഭിച്ചിരിക്കുന്നത്. ടി സീരിസിന്റെ ലഹരി മ്യൂസിക് യൂട്യൂബ് ചാനലിൽ ആണ് ഈ പ്രോമോ വീഡിയോ റിലീസ് ചെയ്തിരിക്കുന്നത്.