സൗത്ത് ഇന്ത്യ മുഴുവൻ വലിയ ആവേശത്തോടെ കാത്തിരിക്കുന്ന പുതിയ ചിത്രം പുഷ്പയുടെ ടീസർ പുറത്തിറങ്ങി. അല്ലു അർജുന്റെ പിറന്നാൾ ദിനത്തോടനുബന്ധിച്ചാണ് ടീസർ പുറത്ത് വിട്ടത്. മികച്ച ആക്ഷൻ രംഗങ്ങൾ ഉള്ള ചിത്രത്തിന്റെ ടീസർ വളരെ ആവേശത്തോടെയാണ് അല്ലു അർജുൻ ആരാധകർ ഏറ്റെടുത്തിരിക്കുന്നത്. വലിയ ബജറ്റിലൊരുങ്ങുന്ന ചിത്രത്തിന് വേണ്ടി മലയാളികൾ കാത്തിരിക്കുന്ന വേറെ ഒരു കാരണം കൂടിയുണ്ട്. മറ്റ് സംസ്ഥാനങ്ങളിലേതു പോലെ തന്നെ കേരളത്തിലും വലിയൊരു ആരാധകവൃന്ദം ആണ് അല്ലു അർജുനുള്ളത്. ഓരോ അല്ലുഅർജുൻ ചിത്രത്തിന് കേരളത്തിൽ വലിയ പിന്തുണയാണ് ലഭിക്കാറുള്ളത്. എന്നാൽ ഇക്കുറി പുഷ്പ എന്ന ചിത്രത്തിന് വേണ്ടി കാത്തിരിക്കുന്ന മലയാളികൾ മറ്റൊരു കാരണം കൊണ്ടുകൂടിയാണ് ആവേശഭരിതരാകുന്നത്. മലയാളത്തിലെ സൂപ്പർ താരം ഫഹദ് ഫാസിൽ ചിത്രത്തിൽ വില്ലൻ കഥാപാത്രമായി എത്തുന്നുണ്ട്. അല്ലു അർജുന് വെല്ലുവിളി ഉയർത്തുന്ന പ്രകടനം ആയിരിക്കും ചിത്രത്തിൽ ഫഹദ് ഫാസിൽ കാഴ്ച വയ്ക്കുക എന്നാണ് ഇപ്പോൾ ആരാധകരുടെ അവകാശവാദം. ഇതിനോടകം പുറത്തിറങ്ങിയ ചിത്രത്തിന്റെ ടീസറിലൊ പോസ്റ്ററുകളിലൊ ഫഹദ് ഫാസിൽ ഉൾപ്പെട്ടിട്ടില്ല. അതുകൊണ്ടുതന്നെ ചിത്രത്തിൽ ഫഹദ് ഫാസിലിന്റെ ലുക്ക് എന്താണെന്നറിയാൻ മലയാളി പ്രേക്ഷകർ വളരെ ആകാംക്ഷയോടെയാണ് കാത്തിരിക്കുന്നത്.
ഫഹദ് ഫാസിൽ എന്ന നടനിൽ ഉള്ള വിശ്വാസം തന്നെയാണ് പ്രേക്ഷകരുടെ അമിത പ്രതീക്ഷയ്ക്ക് കാരണമാകുന്നത്. നാളിതുവരെയായി അഭിനയിച്ചു വരുന്ന ഗെറ്റപ്പുകളിൽ നിന്നും വളരെ വ്യത്യസ്തമായ രീതിയിലാണ് അല്ലു അർജുൻ ഈ ചിത്രത്തിൽ പ്രത്യക്ഷപ്പെടുന്നത്. കാടിന്റെ വന്യതയിൽ കഥപറയുന്ന ചിത്രത്തിന്റെ ടീസർ പുതുമകൾ നിറച്ച വലിയ പ്രതീക്ഷ തന്നെ നൽകുന്നു. ചന്ദന കള്ളക്കടത്ത് പ്രമേയമാക്കി ഒരുക്കുന്ന ചിത്രത്തിന്റെ ആര്യ, ആര്യ-2 എന്നീ ചിത്രങ്ങൾക്കുശേഷം സുകുമാർ സംവിധാനം ചെയ്യുന്ന ഈ ചിത്രത്തിന്റെ ആക്ഷൻ രംഗങ്ങൾ തന്നെയാണ് ഹൈലൈറ്റ്. രശ്മിക മന്ദാന നായികയായെത്തുന്ന ചിത്രത്തിൽ കന്നട നടൻ ഡോളർ ധനഞ്ജയും മറ്റൊരു പ്രധാന കഥാപാത്രമായി എത്തുന്നു. തെലുങ്കിൽ ഒരുങ്ങുന്ന പുഷ്പ മലയാളം,തമിഴ്, ഹിന്ദി, കന്നഡ തുടങ്ങിയ ഭാഷകളിൽ മൊഴിമാറ്റം ചെയ്ത് റിലീസ് ചെയ്യും.
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
https://youtu.be/BByOSYKXwY0 വിനീത് കുമാറിന്റെ സംവിധാനത്തിൽ ദിലീപ് കേന്ദ്ര കഥാപാത്രമാകുന്ന ചിത്രം “പവി കെയർ ടേക്കർ” ന്റെ മഹാ വിജയമാണ് ഇപ്പോൾ…
This website uses cookies.