ഇന്ന് നീ ബൗളിംഗ്, ഞാൻ ബാറ്റിംഗ്, അവൻ അമ്പയർ; ആകാംക്ഷയുണർത്തുന്ന പുത്തൻ ടീസറുമായി തീർപ്പ്; വീഡിയോ കാണാം

ജനപ്രിയ നായകൻ ദിലീപിനെ നായകനാക്കി കമ്മാര സംഭവം എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് രതീഷ് അമ്പാട്ട്. മുരളി ഗോപി രചിച്ച ഈ ചിത്രം പ്രേക്ഷകർക്കിടയിൽ വലിയ ചർച്ചയായി മാറിയിരുന്നു. ഇപ്പോഴിതാ അതിനു ശേഷം തന്റെ രണ്ടാമത്തെ ചിത്രവുമായി എത്തുകയാണ് രതീഷ് അമ്പാട്ട്. മുരളി ഗോപി തന്നെ തിരക്കഥ രചിച്ച ഈ ചിത്രത്തിൽ പൃഥ്വിരാജ് സുകുമാരൻ, ഇന്ദ്രജിത് സുകുമാരൻ, വിജയ് ബാബു, സൈജു കുറുപ്പ് എന്നിവരാണ് പ്രധാന വേഷങ്ങൾ ചെയ്യുന്നത്. ഇതിന്റെ ഫസ്റ്റ് ലുക്ക് പോസ്റ്റർ, ആദ്യ ടീസർ എന്നിവ വലിയ പ്രേക്ഷക ശ്രദ്ധ നേടിയിരുന്നു. ഇപ്പോഴിതാ വീണ്ടും കൗതുകകരമായ ഒരു പുതിയ ടീസറുമായി വന്നിരിക്കുകയാണ് തീർപ്പ് ടീം. ഒരു സൈക്കോളജി ത്രില്ലർ ആയാണ് ഈ ചിത്രം ഒരുക്കിയിരിക്കുന്നതെന്ന് റിപ്പോർട്ടുകളുണ്ട്.

സിദ്ദിഖ്, ഇഷാ തൽവർ, ലുക്മാൻ, ഷൈജു ശ്രീധർ, അവറാൻ, ശ്രീകാന്ത് മുരളി, അന്നാ റെജി കോശി എന്നിവരും പ്രധാന വേഷങ്ങളിലെത്തുന്ന തീർപ്പ്, വിജയ് ബാബു, മുരളി ഗോപി, രതീഷ് അമ്പാട്ട് എന്നിവർ ചേർന്നാണ് നിർമ്മിച്ചിരിക്കുന്നത്. വരുന്ന ഓഗസ്റ്റ് 25 നാണ് ഈ ചിത്രം റിലീസ് ചെയ്യുന്നതെന്നാണ് സൂചന. മുരളി ഗോപി ഗാനങ്ങളൊരുക്കിയ ഈ ചിത്രത്തിന് പശ്‌ചാത്തല സംഗീതമൊരുക്കിയത് ഗോപി സുന്ദറാണ്. അതുപോലെ ദീപു ജോസഫ് എഡിറ്റ് ചെയ്യുന്ന ഈ ചിത്രത്തിന് കാമറ ചലിപ്പിച്ചിരിക്കുന്നത് കെ എസ് സുനിലാണ്. ചരിത്രവും കാലിക പ്രാധാന്യമുള്ള സംഭവങ്ങളുമൊക്കെ കടന്നു വരുന്ന ഒരു ഫോര്മാറ്റിലാണ് ഈ ചിത്രം കഥ പറയുന്നതെന്നാണ് സംവിധായകൻ വെളിപ്പെടുത്തിയത്. സൗഹൃദം, രാഷ്ട്രീയം, ചരിത്രം എന്നിവയെല്ലാം ഇതിൽ പ്രതിപാദിക്കുന്നുണ്ടെന്നാണ് അദ്ദേഹം പറയുന്നത്.