ഔസേപ്പച്ചന്റെ സംഗീതത്തിൽ പ്രമോദ് പപ്പന്റെ കലാഭൈരവൻ; മമ്മൂട്ടിയുടെ പിറന്നാൾ വിഡിയോ ശ്രദ്ധ നേടുന്നു

മമ്മൂട്ടിയുടെ പിറന്നാൾ ദിനത്തിൽ ഒരുപാട് പോസ്റ്ററുകളും, മാഷപ്പുകളും, ട്രിബ്യുട്ട് വിഡിയോകളും സോഷ്യൽ മീഡിയയിൽ നിറഞ്ഞു നിൽക്കുകയാണ്. സംവിധായകൻ പ്രമോദ് പപ്പൻ ഒരുക്കിയിരിക്കുന്ന ഒരു ബർത്ത് ഡേ സ്‌പെഷ്യൽ ട്രിബ്യുട്ട് സോങ്ങാണ് ഇപ്പോൾ ഏറെ ശ്രദ്ധ നേടുന്നത്. വളരെ വ്യത്യസ്തമായ ഒരു മ്യൂസിക് വിഡിയോയാണ് പ്രമോദ് പപ്പൻ ഒരുക്കിയിരിക്കുന്നത്. ഡിജിറ്റൽ പൈന്റിങ്ങിന് പ്രാധാന്യം നൽകിയാണ് വിഡിയോ ഒരുക്കിയിരിക്കുന്നത്. പ്രൊമോദ് പപ്പൻ തന്നെയാണ് ഡിജിറ്റൽ പെയിന്റിങ് കൈകാര്യം ചെയ്തിരിക്കുന്നത്. മ്യൂസിക് വിഡിയോയുടെ സംഗീത സംവിധാനം നിർവഹിച്ചിരിക്കുന്നത് ഔസേപ്പച്ചനാണ്. വരികൾ രചിച്ചിരിക്കുന്നത് എം.ഡി രാജേന്ദ്രനാണ്.

ആരാധകരെ ആവേശത്തിലാഴ്ത്തുന്ന ഒരു ഗാനം തന്നെയാണ് പ്രമോദ് പപ്പനും കൂട്ടരും ഒരുക്കിയിരിക്കുന്നത്. കലാഭൈരവൻ എന്നാണ് മ്യൂസിക് വിഡിയോയ്ക്ക് ടൈറ്റിൽ നൽകിയിരിക്കുന്നത്. മമ്മൂട്ടിയുടെ ഒരുപാട് വേഷ പകർച്ചകൾ മ്യൂസിക് വിഡിയോയിൽ കാണാൻ സാധിക്കും. ഒരിപാട് സെലിബ്രിറ്റിസ് ഇതിനോടകം മ്യൂസിക് വിഡിയോ ഷെയർ ചെയ്‌തിട്ടുണ്ട്. മലയാളത്തിലെ ഏറ്റവും ശ്രദ്ധേയമായ കൂട്ടുകെട്ടാണ് മമ്മൂട്ടി-പ്രമോദ് പപ്പൻ എന്നിവരുടേത്. 2004 ൽ മമ്മൂട്ടി ചിത്രത്തിലൂടെയാണ് പ്രമോദ് പപ്പൻ സംവിധായകന്റെ കുപ്പായം അണിയുന്നത്. മമ്മൂട്ടിയുടെ വജ്രം, തസ്ക്കരവീരൻ തുടങ്ങിയ ചിത്രങ്ങൾ സംവിധാനം ചെയ്തിരിക്കുന്നത് പ്രമോദ് പപ്പനാണ്. ഈ കൂട്ടുകെട്ട് വീണ്ടും ഒന്നിക്കുവാൻ വേണ്ടിയാണ് സിനിമ പ്രേമികൾ കാത്തിരിക്കുന്നത്.