ലളിതം സുന്ദരത്തിലെ പുതിയ ഗാനമെത്തി; വിനീത് ശ്രീനിവാസന്റെ ശബ്ദത്തിൽ ‘പോയ കാലം’; വീഡിയോ കാണാം..!

പ്രശസ്ത നായക നടനും താരവുമായ ബിജു മേനോൻ, മലയാളത്തിന്റെ ലേഡി സൂപ്പർ സ്റ്റാർ മഞ്ജു വാര്യർ, എന്നിവർ പ്രധാന വേഷങ്ങൾ ചെയ്യുന്ന ഏറ്റവും പുതിയ ചിത്രമാണ് ലളിതം സുന്ദരം. ഇപ്പോഴിതാ ഈ ചിത്രത്തിന്റെ ഏറ്റവും പുതിയ ഗാനത്തിന്റെ ലിറിക്കൽ വീഡിയോ റിലീസ് ചെയ്തിരിക്കുകയാണ്. പോയ കാലം എന്ന വരികളോടെ തുടങ്ങുന്ന ഈ ഗാനം ആലപിച്ചിരിക്കുന്നത് വിനീത് ശ്രീനിവാസൻ ആണ്. കഴിഞ്ഞ ദിവസം റിലീസ് ചെയ്ത ഇതിന്റെ പ്രോമോ വീഡിയോ വലിയ പ്രേക്ഷക ശ്രദ്ധ നേടിയിരുന്നു. ബി കെ ഹരിനാരായണൻ വരികൾ രചിച്ച ഈ ഗാനത്തിന് ബിജിബാൽ ആണ് ഈണം പകർന്നിരിക്കുന്നത്. മഞ്ജു വാര്യരുടെ ഒഫീഷ്യൽ യൂട്യൂബ് ചാനലിലൂടെയാണ് ഈ ഗാനം പുറത്തു വന്നിരിക്കുന്നത്. ഇതിനു മുൻപ് നജിം അർഷാദിന്റെ ശബ്ദത്തിൽ ഇതിലെ മേഘജാലകം എന്ന ഗാനവും റിലീസ് ചെയ്യുകയും ഹിറ്റാവുകയും ചെയ്തിരുന്നു.

മലയാളത്തിലെ പ്രശസ്ത നിർമ്മാണ ബാനർ ആയ സെഞ്ച്വറിയും മഞ്ജു വാര്യർ പ്രൊഡക്ഷൻസും ചേർന്ന് നിർമ്മിച്ചിരിക്കുന്ന ഈ ചിത്രം, ഒരു പക്കാ ഫാമിലി എന്റെർറ്റൈനെർ ആയാണ് ഒരുക്കിയിരിക്കുന്നത് എന്ന സൂചനയാണ് ഇതിന്റെ ട്രൈലെർ തരുന്നത്. മാർച്ച് പതിനെട്ടിന് ഏഷ്യാനെറ്റ് ഡിസ്നി ഹോട്ട്സ്റ്റാറിലൂടെ ആണ് ഈ ചിത്രം റിലീസ് ചെയ്യാൻ പോകുന്നത്. മഞ്ജു വാര്യരുടെ സഹോദരനും പ്രശസത നടനുമായ മധു വാര്യർ സംവിധാനം ചെയ്ത ഈ ചിത്രം രചിച്ചത് പ്രമോദ് മോഹൻ ആണ്. പി സുകുമാർ, ഗൗതം ശങ്കർ എന്നിവർ കാമറ ചലിപ്പിച്ചു, ലിജോ പോൾ എഡിറ്റ് ചെയ്ത ഈ ചിത്രത്തിൽ സെെജു കുറുപ്പ്, സുധീഷ്, അനു മോഹന്‍, രഘുനാഥ് പലേരി, വിനോദ് തോമസ്സ്, സറീന വഹാബ്, ദീപ്തി സതി, ആശാ അരവിന്ദ്, അഞ്ജന അപ്പുക്കുട്ടന്‍, മാസ്റ്റര്‍ ആശ്വിന്‍ വാര്യര്‍, ബേബി തെന്നല്‍ അഭിലാഷ് എന്നിവരും അഭിനയിച്ചിട്ടുണ്ട്.