മാലിദ്വീപിൽ ബിക്കിനിയിൽ ആഘോഷിച്ചു പൂജ ഹെഗ്‌ഡെ; വീഡിയോ കാണാം..!

ഇന്ന് ഇന്ത്യൻ സിനിമയിലെ പോപ്പുലർ ആയ നായികാ താരങ്ങളിൽ ഒരാളാണ് പൂജ ഹെഗ്‌ഡെ. തെന്നിന്ത്യൻ സിനിമയിലും ബോളിവുഡിലും അഭിനയിച്ചു കയ്യടി നേടിയ ഈ താരം ഇപ്പോൾ ദളപതി വിജയ് നായകനായ ബീസ്റ്റ് എന്ന നെൽസൺ ചിത്രത്തിലാണ് അഭിനയിക്കുന്നത്. വിജയ്‌യുടെ നായികയായി ആദ്യമായാണ് പൂജ ഹെഗ്‌ഡെ അഭിനയിക്കുന്നത്. ഈ ചിത്രം അടുത്ത വർഷം ഏപ്രിൽ മാസത്തിലാണ് റിലീസ് ചെയ്യുക. എന്നാൽ അതിനു മുൻപ് തന്നെ പ്രഭാസിന്റെ നായികയായി പൂജ എത്തുന്ന രാധേ ശ്യാം എന്ന ബഹുഭാഷാ ചിത്രവും ചിരഞ്ജീവിക്കൊപ്പം അഭിനയിക്കുന്ന ആചാര്യ എന്ന തെലുങ്കു ചിത്രവും റിലീസ് ചെയ്യുമെന്നാണ് സൂചന. മുഖം മൂടി എന്ന തമിഴ് ചിത്രത്തിലൂടെയാണ് പൂജ സിനിമയിൽ അരങ്ങേറ്റം കുറിച്ചത്. അതിനു ശേഷം രണ്ടു തെലുങ്കു ചിത്രത്തിൽ അഭിനയിച്ച ഈ നടി വലിയ ശ്രദ്ധ നേടിയത് ബോളിവുഡ് സൂപ്പർ താരം ഹൃതിക് റോഷന്റെ നായികയായി അഭിനയിച്ച മോഹൻ ജൊദാരോ എന്ന ബോളിവുഡ് ചിത്രത്തിലൂടെയാണ്.

പിന്നീട് ഒരുപിടി വമ്പൻ തെലുങ്കു ചിത്രങ്ങളുടെ ഭാഗമായ ഈ നടി, അല്ലു അർജുൻ, റാം ചരൺ, ജൂനിയർ എൻ ടി ആർ, മഹേഷ് ബാബു എന്നിവരുടെയും ബോളിവുഡ് സൂപ്പർ താരം അക്ഷയ് കുമാറിനൊപ്പവും അഭിനയിച്ചു ശ്രദ്ധ നേടി. അഭിനയ മികവിനൊപ്പം സൗന്ദര്യം കൊണ്ട് കൂടിയാണ് പൂജ ഹെഗ്‌ഡെ യുവ പ്രേക്ഷകരെ കയ്യിലെടുത്തത്. ഇപ്പോഴിതാ ഗ്ലാമർ വേഷത്തിൽ ആഘോഷിക്കുന്ന പൂജയുടെ വീഡിയോ ആണ് സോഷ്യൽ മീഡിയയിൽ വൈറലായി മാറുന്നത്. ബിക്കിനി അണിഞ്ഞാണ് മാലിദ്വീപിൽ ഈ നടി ആഘോഷിക്കുന്നത്. ഏതായാലും നടിയുടെ ഈ വീഡിയോ ആരാധകർ ഏറ്റെടുത്തു കഴിഞ്ഞു. രാധേ ശ്യാം, ആചാര്യ, ബീസ്റ്റ് എന്നിവ കൂടാതെ ബോളിവുഡ് താരം രൺവീർ സിംഗിനൊപ്പം ഒരു ബിഗ് ബഡ്ജറ്റ് ഹിന്ദി ചിത്രവും പൂജ ചെയ്യാൻ പോവുകയാണ്.