ഒടിയനിലെ കൊണ്ടൊരാം ഗാനം ആലപിച്ചു വിദേശിയും; ഈ വർഷത്തെ ഏറ്റവും വലിയ ഹിറ്റായി ഒടിയൻ സോങ്..!

മലയാള സിനിമയിലെ ഈ വർഷത്തെ ഏറ്റവും വലിയ ഹിറ്റായി മാറിയിരിക്കുകയാണ് മോഹൻലാൽ ചിത്രമായ ഒടിയനിലെ കൊണ്ടോരാം കൊണ്ടോരാം കൈതോല പായ കൊണ്ടോരാം എന്ന ഗാനം. കുറച്ചു ദിവസങ്ങൾക്കു മുൻപ് റിലീസ് ചെയ്ത ഈ ഗാനത്തിന്റെ ലിറിക് വീഡിയോ മലയാള സിനിമയിൽ പുതിയ ചരിത്രം കുറിച്ച് കൊണ്ട് യൂട്യൂബിൽ രണ്ടു മില്യൺ വ്യൂസ് പിന്നിട്ടു മുന്നേറുകയാണ്. ഇപ്പോഴിതാ ഈ ഗാനം വിദേശികൾക്കിടയിലും ശ്രദ്ധ നേടുകയാണ്. വിദേശിയായ ഒരു മോഹൻലാൽ ആരാധകൻ ഈ ഗാനം പാടുന്ന ഒരു വീഡിയോ ആണ് ഇപ്പോൾ സോഷ്യൽ മീഡിയയുടെ ശ്രദ്ധ നേടിയെടുക്കുന്നത്. ആ വീഡിയോ നിങ്ങൾക്കിവിടെ കാണാം.

എം ജയചന്ദ്രൻ ഈണമിട്ട ഈ ഗാനം രചിച്ചിരിക്കുന്നത് റഫീഖ് അഹമ്മദും ആലപിച്ചിരിക്കുന്നത് സുദീപും ശ്രേയ ഘോഷാലും ചേർന്നാണ്. മോഹൻലാലിന്റെ വോയിസ് കവറും ഈ ഗാനത്തിന്റെ ലിറിക് വീഡിയോക്ക് ഒപ്പം ഉണ്ട്. അധികം വൈകാതെ തന്നെ ഈ ചിത്രത്തിലെ മറ്റു ഗാനങ്ങളും റിലീസ് ചെയ്യുമെന്നാണ് സൂചന. അഞ്ചു പാട്ടുകൾ ആണ് ഈ ചിത്രത്തിൽ ഉള്ളത്. ശങ്കർ മഹാദേവനും എം ജി ശ്രീകുമാറും മോഹൻലാലും ഈ ചിത്രത്തിൽ പാടിയിട്ടുണ്ട്. വി എ ശ്രീകുമാർ മേനോൻ സംവിധാനം ചെയ്ത ഒടിയൻ അടുത്ത മാസം പതിനാലിന് ലോകമെമ്പാടും റിലീസ് ചെയ്യും. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം മലയാളത്തിലെ എക്കാലത്തെയും വലിയ റിലീസ് ആയാണ് എത്തുക. മഞ്ജു വാര്യർ, പ്രകാശ് രാജ് എന്നിവരും അഭിനയിക്കുന്ന ഈ ചിത്തത്തിന്റെ തെലുങ്കു പതിപ്പും മലയാളം പതിപ്പിനൊപ്പം തന്നെ റിലീസ് ചെയ്യും.