ചെറുപ്പക്കാരെ പാര്‍ട്ടിയില്‍ പിടിച്ചു നിര്‍ത്താൻ കമ്മ്യൂണിസ്റ്റ് മാട്രിമോണിയുണ്ടാക്കണം; പൊട്ടിച്ചിരിപ്പിക്കുന്ന പടച്ചോനെ ഇങ്ങള് കാത്തോളീ ടീസർ കാണാം

യുവ താരം ശ്രീനാഥ് ഭാസി നായകനായി എത്തുന്ന ഏറ്റവും പുതിയ ചിത്രങ്ങളിലൊന്നായ പടച്ചോനെ ഇങ്ങള് കാത്തോളീ ഈ വരുന്ന നവംബർ നവംബര്‍ 24നാണ് പ്രേക്ഷകരുടെ മുന്നിലെത്തുന്നത്. ഇതിന്റെ ടീസർ, ട്രൈലെർ, അതുപോലെ രസകരമായ ഗാനങ്ങൾ എന്നിവയെല്ലാം വലിയ പ്രേക്ഷക ശ്രദ്ധയാണ് നേടിയത്. ആക്ഷേപ ഹാസ്യവും പ്രണയവുമെല്ലാം കോർത്തിണക്കിയൊരുക്കിയ രസകരമായ ഒരു ചിത്രമായിരിക്കും ഇതെന്നാണ് സൂചന. രാഷ്ട്രീയവുമായി ബന്ധപ്പെടുത്തി ഒരുക്കിയ ഈ ആക്ഷേപ- ഹാസ്യ കുടുംബ ചിത്രത്തിൽ ഒട്ടേറെ പ്രമുഖ കലാകാരൻമാർ വേഷമിടുന്നുണ്ട്. ഇപ്പോഴിതാ ഇതിന്റെ പുതിയ ടീസറും സൂപ്പർ ഹിറ്റാവുകയാണ്. യുവാക്കളെ പാർട്ടിയിൽ പിടിച്ചു നിർത്താനുള്ള വഴി പറഞ്ഞു കൊടുക്കുന്ന ഹരീഷ് കണാരൻ കഥാപാത്രത്തിന്റെ ഡയലോഗാണ് ഈ ടീസറിന്റെ ഹൈലൈറ്റ്. സഖാവ് ദിനേശൻ എന്ന കഥാപാത്രമായി ശ്രീനാഥ് ഭാസി അഭിനയിച്ചിരിക്കുന്ന ഈ ചിത്രം ടൈനി ഹാൻഡ്സ് പ്രൊഡക്ഷൻസിന്റെ ബാനറിൽ ജോസ്കുട്ടി മഠത്തിൽ, രഞ്ജിത്ത് മണംബ്രക്കാട്ട്‌ എന്നിവർ ചേർന്നാണ് നിർമ്മിച്ചിരിക്കുന്നത്.

ആൻ ശീതൾ നായികാ വേഷം ചെയ്യുന്ന ഈ ചിത്രം സംവിധാനം ചെയ്തിരിക്കുന്നത് ബിജിത് ബാലയാണ്. ഗ്രേസ്‌ ആൻ്റണി, രസ്ന പവിത്രൻ, അലെൻസിയർ, ജോണി ആന്റണി, മാമുക്കോയ, ഹരീഷ് കണാരൻ, ദിനേശ് പ്രഭാകർ, ശ്രുതി ലക്ഷ്മി, നിർമൽ പാലാഴി, വിജിലേഷ്, നിർമ്മാതാക്കളിൽ ഒരാളായ രഞ്ജിത്ത് മണമ്പ്രക്കാട്ട്, നാഥാനിയേൽ മഠത്തിൽ, ഉണ്ണി ചെറുവത്തൂർ, രഞ്ജിത്ത് കൺകോൽ എന്നിവരും വേഷമിട്ട ഈ ചിത്രം രചിച്ചത് പ്രദീപ് കുമാർ കാവുംതറയാണ്. വിഷ്ണു പ്രസാദ് ക്യാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് കിരൺ ദാസും ഇതിനു സംഗീത സംവിധാനം നിർവഹിച്ചത് ഷാൻ റഹ്മാനുമാണ്.