മലയാള സിനിമയുടെ ലേഡി സൂപ്പർ സ്റ്റാർ എന്നാണ് മഞ്ജു വാര്യർ അറിയപ്പെടുന്നത്. മലയാളത്തിലെ ഇന്നത്തെ ഏറ്റവും മികച്ച നടിയായി വിലയിരുത്തപ്പെടുന്ന മഞ്ജു വാര്യർ, ഇന്ന് മലയാളത്തിൽ ഏറ്റവും കൂടുതൽ താരമൂല്യമുള്ള നായിക കൂടിയാണ്. മലയാളത്തിന് പുറമെ തമിഴിലും അഭിനയിച്ചു കയ്യടി നേടിയ ഈ നടി ഇനി ബോളിവുഡിലേക്കും കടക്കുകയാണ്. ഇപ്പോഴിതാ, മഞ്ജു വാര്യർ അഭിനയിച്ചു മാസങ്ങൾക്കു മുൻപ് റിലീസ് ചെയ്ത ചതുർമുഖം എന്ന ചിത്രത്തിന്റെ മേക്കിങ് വീഡിയോ പുറത്തു വന്നിരിക്കുകയാണ്. തീയേറ്ററുകളിൽ വിജയം നേടിയ ഈ ചിത്രം ഈ അടുത്തിടെയാണ് ഒടിടി റിലീസ് ആയും എത്തിയത്. ടെക്നോ ഹൊറർ എന്ന വിഭാഗത്തിൽ പെടുത്താവുന്ന ഈ ചിത്രത്തിലെ ചില സംഘട്ടന രംഗങ്ങൾ ഡ്യൂപ് പോലുമില്ലാതെ ചെയ്യുന്ന മഞ്ജു വാര്യരുടെ വീഡിയോ ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. റോപ്പ് ശരീരത്തിൽ കെട്ടി വായുവിലൂടെ ഉയർന്നു പൊങ്ങുന്ന മഞ്ജുവിനെ ആണ് ഈ വീഡിയോയിൽ കാണാൻ സാധിക്കുന്നത്.
രഞ്ജിത്ത് കമല ശങ്കര്, സലില് വി. എന്നീ നവാഗതര് സംവിധാനം ചെയ്ത ചതുര്മുഖത്തിന്റെ നിർമ്മാതാവും മഞ്ജു വാര്യർ ആണ്. ഈ കഴിഞ്ഞ ഏപ്രിൽ മാസത്തിൽ റിലീസ് ചെയ്ത ഈ ചിത്രത്തിൽ മഞ്ജുവിനൊപ്പം സണ്ണി വെയ്ൻ, അലെൻസിയർ തുടങ്ങിയവരും അഭിനയിച്ചിട്ടുണ്ട്. ഈ കഴിഞ്ഞ ജൂലൈ ഒൻപതിനാണ് ചിത്രം സീ 5 പ്ലാറ്റ്ഫോമിലൂടെ ഒടിടി റിലീസിനെത്തിയത്. ഏതായാലും പ്രേക്ഷക പ്രശംസയും നിരൂപക പ്രശംസയും ഒരുപോലെ നേടിയെടുത്ത ഈ ചിത്രം അന്താരാഷ്ട്ര ചലച്ചിത്രോത്സവങ്ങളിലേക്കും തിരഞ്ഞെടുക്കപ്പെട്ടത് വാർത്തയായിരുന്നു. മോഹൻലാൽ നായകനായ മരക്കാർ അറബിക്കടലിന്റെ സിംഹം, സനൽ കുമാർ ശശിധരൻ ഒരുക്കിയ കയറ്റം, സന്തോഷ് ശിവൻ ഒരുക്കിയ ജാക്ക് ആൻഡ് ജിൽ, മധു വാര്യർ ഒരുക്കുന്ന ലളിതം സുന്ദരം, പ്രജേഷ് സെൻ ഒരുക്കുന്ന മേരി ആവാസ് സുനോ, നിവിൻ പോളി ചിത്രമായ പടവെട്ട് എന്നിവയാണ് മഞ്ജു അഭിനയിച്ചു ഇനി റിലീസ് ചെയ്യാൻ ഉള്ള ചിത്രങ്ങൾ.
ഓട്ടം തുള്ളൽ എന്ന പുതിയ ചിത്രത്തിന് പ്രേക്ഷക പിന്തുണ അഭ്യർത്ഥിച്ച് സംവിധായകൻ മാർത്താണ്ഡൻ. ചിത്രത്തിൻ്റെ രചയിതാവും ഇതിലെ നായകനുമായ ബിനു…
കൊച്ചി: ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ ട്രെയ്ലർ പുറത്തിറങ്ങി. വിശ്വാസങ്ങൾ, ജ്യോതിഷവുമായി ബന്ധപ്പെട്ട ധാരണകൾ,…
ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ന്റെ ടീസർ പുറത്തിറങ്ങി. നടൻ ടൊവിനോ തോമസിന്റെ ഔദ്യോഗിക സോഷ്യൽ…
ജി. മാർത്താണ്ഡൻ ചിത്രം വിദേശ പ്രേക്ഷകരിലേക്കും; വിതരണാവകാശം സൈബർ സിസ്റ്റംസ് ഓസ്ട്രേലിയക്ക് ജി. മാർത്താണ്ഡൻ സംവിധാനം ചെയ്യുന്ന പുതിയ മലയാള…
സംവിധായകൻ ജി മാർത്താണ്ടന്റെ ഏറ്റവും പുതിയ ചിത്രമായ ഓട്ടം തുള്ളലിലെ ആദ്യ ഗാനം എത്തി. മലയാളത്തിന്റെ പ്രിയ ഗായിക വൈക്കം…
മലയാളി പ്രേക്ഷകരുടെ പ്രിയപ്പെട്ട ഗായികയും കലാകാരിയുമായ ശിഖ പ്രഭാകരന്റെ പുതിയ ആൽബം സോംഗ് ‘എല്ലാം പോച്ചുടാ’ ശ്രദ്ധേയമാകുന്നു. വ്യത്യസ്തമായ സംഗീതവും…
This website uses cookies.