മാസ്സ് ട്രൈലെറുമായി ചെക്ക ചിവന്ത വാനം; മണി രത്‌നം മാജിക് ഒരിക്കൽ കൂടി..!

പ്രേക്ഷകർ ഏറെ കാത്തിരുന്ന ചെക്ക ചിവന്ത വാനം എന്ന മണി രത്‌നം ചിത്രത്തിന്റെ ട്രൈലെർ ഇന്ന് റിലീസ് ചെയ്തു കഴിഞ്ഞു. ഏവരുടെയും പ്രതീക്ഷകൾക്ക് മുകളിൽ നിൽക്കുന്ന ഒരു കിടിലൻ മാസ്സ് ട്രൈലെർ ആണ് ഇപ്പോൾ പുറത്തു വന്നിരിക്കുന്നത്. ലൈക്ക പ്രൊഡക്ഷൻസ് നിർമ്മിച്ചിരിക്കുന്ന ഈ ബിഗ് ബജറ്റ് ചിത്രത്തിൽ ഗംഭീര താര നിരയാണ് അണിനിരന്നിരിക്കുന്നത്‌. അരവിന്ദ് സ്വാമി, അരുൺ വിജയ്, ചിമ്പു, വിജയ് സേതുപതി, അദിതി റാവു, ജ്യോതിക, പ്രകാശ് രാജ്, ഐശ്വര്യ രാജേഷ്, ജയസുധ, ത്യാഗരാജൻ, മൻസൂർ അലിഖാൻ, ശിവ ആനന്ദ്, ഡയാന തുടങ്ങിയവർ ആണ് ഈ ചിത്രത്തിലെ നിർണ്ണായക കഥാപാത്രങ്ങളെ അവതരിപ്പിച്ചിരിക്കുന്നത്. കിടിലൻ ആക്ഷൻ രംഗങ്ങളും തീപാറുന്ന ഡയലോഗുകളുമായി ഒരു ഗംഭീര ക്രൈം ആക്ഷൻ ത്രില്ലർ ആണ് മണി രത്‌നം ഇത്തവണ ഒരുക്കിയിരിക്കുന്നത് എന്ന സൂചനയാണ് ട്രൈലെർ തരുന്നത്. ബോക്സ് ഓഫീസിലെ വിജയ വഴിയിലേക്കുള്ള മണി രത്‌നത്തിന്റെ വമ്പൻ തിരിച്ചു വരവായേക്കാം ഈ ചിത്രം.

മണി രത്‌നവും ശിവ ആനന്ദും ചേർന്ന് തിരക്കഥ ഒരുക്കിയിരിക്കുന്ന ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയിരിക്കുന്നത് സന്തോഷ് ശിവൻ ആണ്. സംഗീത മാന്ത്രികൻ എ ആർ റഹ്മാൻ ആണ് ചെക്ക ചിവന്ത വാനത്തിന്റെ സംഗീതം ഒരുക്കിയിരിക്കുന്നത്. വൈരമുത്തു വരികൾ എഴുതിയിരിക്കുന്ന ഈ ചിത്രത്തിൽ മനോഹരമായ ഗാനങ്ങൾ ആണ് എ ആർ റഹ്മാൻ ഒരുക്കിയിരിക്കുന്നത് എന്നാണ് സൂചന. ശ്രീകർ പ്രസാദ് ആണ് ചെക്ക ചിവന്ത വാനം എഡിറ്റ് ചെയ്തിരിക്കുന്നത്. അടുത്ത മാസം ഇരുപത്തിയെട്ടാം തീയതി ഈ ചിത്രം ലോകമെമ്പാടും പ്രദർശനത്തിനെത്തും എന്നാണ് ഇപ്പോൾ ലഭിക്കുന്ന വിവരങ്ങൾ നമ്മളോട് പറയുന്നത്. ഏതായാലും കുറച്ചു നാളുകൾക്കു ശേഷമാണു മണി രത്‌നം ഒരുക്കുന്ന ഒരു ആക്ഷൻ ചിത്രം എത്തുന്നത് എന്നത് തന്നെ ചെക്ക ചിവന്ത വാനത്തിനെ കുറിച്ച് വലിയ പ്രതീക്ഷയാണ് പ്രേക്ഷകർക്ക് നൽകിയിരിക്കുന്നത്.