ഗ്ലാമറസ്സായി അഞ്ജു കുര്യൻ; സൂപ്പർ ഹിറ്റായി വാടി വാടി ഗാനം; വീഡിയോ കാണാം

പ്രശസ്ത മലയാളി നടി അഞ്ജു കുര്യൻ നായികാ വേഷം ചെയ്ത പുതിയ തമിഴ് മ്യൂസിക് വീഡിയോ ഇപ്പോൾ വലിയ ശ്രദ്ധയാണ് നേടുന്നത്. അഞ്ജു കുര്യൻ ഗ്ലാമറസായി പ്രത്യക്ഷപ്പെട്ടിരിക്കുന്ന ഈ ഗാനം ഇന്നലെ വൈകുന്നേരമാണ് തിങ്ക് മ്യൂസിക് ഇന്ത്യയുടെ യൂട്യൂബ് ചാനൽ വഴി പുറത്തു വന്നത്. ഹാരിസ് ജയരാജിന്റെ സംഗീതത്തിലൊരുങ്ങിയിരിക്കുന്ന ഈ മനോഹരമായ ഗാനത്തിന് വരികൾ രചിച്ചത് വിവേകയും, പാടിയിരിക്കുന്നത് രവി ജി, നിക്കോളാസ് സാമുവൽ, സുനിത സാരഥി എന്നിവർ ചേർന്നുമാണ്. അതിമനോഹരമായാണ് ഈ ഗാനം ചിത്രീകരിച്ചിരിക്കുന്നത്. ഗോവയിൽ ഏറിയ പങ്കും ഷൂട്ട് ചെയ്തിരിക്കുന്ന ഈ ഗാനത്തിൽ, അഞ്ജു കുര്യനൊപ്പം അശ്വിൻ കുമാർ ലക്ഷ്മികാന്തനാണ് അഭിനയിച്ചിരിക്കുന്നത്. ഇരുവരുടേയും പ്രണയ രംഗങ്ങൾ ഏറെ മനോഹരമായാണ് ഒരുക്കിയിരിക്കുന്നത്.

കാർത്തിക് അരസകുമാർ സംവിധാനം ചെയ്ത ഈ വീഡിയോക്ക് വേണ്ടി ക്യാമറ ചലിപ്പിച്ചിരിക്കുന്നത് പ്രശസ്ത ക്യാമെറാമാനായ ആർ ഡി രാജശേഖറാണ്. വമ്പൻ തമിഴ് ചിത്രങ്ങളുടെ എഡിറ്ററായ ആന്റണിയാണ് ഈ മ്യൂസിക് വീഡിയോ എഡിറ്റ് ചെയ്തിരിക്കുന്നത്. സാൻഡി നൃത്ത സംവിധാനം നിർവഹിച്ചിരിക്കുന്ന ഈ മ്യൂസിക് വീഡിയോ നിർമ്മിച്ചിരിക്കുന്നത് ബി ടി കെ ഫിലിമ്സിന്റെ ബാനറിൽ എ കാമരാജ് ആണ്. റിലീസ് ചെയ്തു ചുരുങ്ങിയ സമയം കൊണ്ട് രണ്ടു ലക്ഷത്തിനു മുകളിൽ കാഴ്ചക്കാരെയാണ് ഈ മ്യൂസിക് വീഡിയോക്ക് ലഭിച്ചിരിക്കുന്നത്. 2014 ഇൽ റിലീസ് ചെയ്ത ഓം ശാന്തി ഓശാന എന്ന ചിത്രത്തിലൂടെ ശ്രദ്ധ നേടിയ അഞ്ജു കുര്യൻ പിന്നീട് പ്രേമം, കവി ഉദ്ദേശിച്ചത്, ഞാൻ പ്രകാശൻ, ജാക്ക് ഡാനിയേൽ, മേപ്പടിയാൻ തുടങ്ങിയ ചിത്രങ്ങളിലൂടെയും ശ്രദ്ധ നേടി. തമിഴിലും തെലുങ്കിലും അഭിനയിച്ചിട്ടുള്ള ഈ നടിയുടെ ഇനി റിലീസ് ചെയ്യാനുള്ള മലയാള ചിത്രം ഇന്ദിരയാണ്.