ഇന്നലെ റിലീസ് ചെയ്ത കുഞ്ചാക്കോ ബോബൻ ചിത്രം ന്നാ താൻ കേസ് കൊട് ആദ്യ ഷോ മുതൽ തന്നെ ഗംഭീര പ്രേക്ഷക പ്രതികരണമാണ് നേടിയത്. നിരൂപകരും ഇരു കയ്യും നീട്ടി സ്വീകരിച്ച ഈ ചിത്രത്തിലെ ഗംഭീര പ്രകടനത്തിന് കുഞ്ചാക്കോ ബോബന് പ്രേക്ഷകരിൽ നിന്നും നിരൂപകരിൽ നിന്നും സിനിമാലോകത്തു നിന്നും അഭിനന്ദന പ്രവാഹമാണ്. ഇപ്പോഴിതാ മലയാളത്തിലെ യുവ താരങ്ങളായ പൃഥ്വിരാജ്, ടോവിനോ തോമസ് എന്നിവർക്കൊപ്പം ഈ ചിത്രത്തിന്റെ വിജയത്തിന്റെ സന്തോഷം പങ്കിടുന്ന കുഞ്ചാക്കോ ബോബന്റെ വീഡിയോയാണ് വൈറലാവുന്നത്. പൃഥ്വിരാജ് നായകനായ ജന ഗണ മനയുടെ സക്സസ് മീറ്റ് കൊച്ചിയില് നടപ്പോഴാണ് ഇരുവരും കുഞ്ചാക്കോ ബോബനെ കാണുന്നതും തങ്ങളുടെ അഭിനന്ദനം അറിയിച്ചതും. ചടങ്ങ് കഴിഞ്ഞ് പുറത്തിറങ്ങിയ ഇവർ സ്നേഹ പ്രകടനം നടത്തുന്ന വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.
കുഞ്ചാക്കോ ബോബനെ എടുത്ത് പൊക്കി ഉമ്മ നൽകിയാണ് ടോവിനോ തോമസ് സ്നേഹം അറിയിച്ചതെങ്കിൽ, ന്നാ താന് കേസ് കൊട് സിനിമ ഉറപ്പായും കാണുമെന്നും, ചാക്കോച്ചന്റെ ഡാന്സ് കാണാനെങ്കിലും സിനിമ കാണുമെന്നുമാണ് പൃഥ്വിരാജ് പറയുന്നത്. പൃഥ്വിയും ടോവിനോയും ചേര്ന്ന് കുഞ്ചാക്കോ ബോബനെ സ്നേഹം കൊണ്ട് മൂടുന്ന ഈ വീഡിയോ ആരാധകർ ഏറ്റെടുത്തുകഴിഞ്ഞു. കൊഴുമ്മൽ രാജീവൻ എന്ന കഥാപാത്രമായി തന്റെ കരിയറിലെ തന്നെ ഏറ്റവും മികച്ച പ്രകടനങ്ങളിലൊന്നാണ് കുഞ്ചാക്കോ ബോബൻ നടത്തിയത്. രതീഷ് ബാലകൃഷ്ണ പൊതുവാൾ രചിച്ചു സംവിധാനം ചെയ്ത ഈ ചിത്രം എസ്.ടി.കെ ഫിലിംസിന്റെ ബാനറിൽ സന്തോഷ് ടി കുരുവിള, ഉദയായുടെ ബാനറിൽ കുഞ്ചാക്കോ ബോബൻ എന്നിവർ ചേർന്നാണ് നിർമ്മിച്ചത്.
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
https://youtu.be/BByOSYKXwY0 വിനീത് കുമാറിന്റെ സംവിധാനത്തിൽ ദിലീപ് കേന്ദ്ര കഥാപാത്രമാകുന്ന ചിത്രം “പവി കെയർ ടേക്കർ” ന്റെ മഹാ വിജയമാണ് ഇപ്പോൾ…
This website uses cookies.