കെ.ജി.എഫ് 2 ഷൂട്ടിംഗ് പുനരാരംഭിച്ചു; റോക്കി ഭായിയുടെ മാസ്സ് ലൊക്കേഷൻ വിഡിയോ തരംഗമാവുന്നു

ഇന്ത്യൻ സിനിമയിൽ തന്നെ വലിയൊരു തരംഗം സൃഷ്ട്ടിച്ച ചിത്രമായിരുന്നു കെ.ജി.എഫ് യാഷിനെ നായകനാക്കി പ്രശാന്ത് നീൽ സംവിധാനം ചെയ്ത ചിത്രം കന്നഡയിൽ ഇൻഡസ്ട്രി ഹിറ്റ് കൂടിയായിരുന്നു. സൗത്ത് ഇന്ത്യയിലെ എല്ലാ സംസ്ഥാനനങ്ങളിലും വലിയ സ്വീകാരിത നേടിയ ആദ്യ കന്നഡ ചിത്രമാണ് കെ.ജി.എഫ്. കേരളത്തിലെ സിനിമ പ്രേമികളും ഇരുകൈയും നീട്ടിയാണ് ചിത്രത്തെ സ്വീകരിച്ചത്. കെ.ജി. എഫിന്റെ രണ്ടാം ഭാഗം അണിയറ പ്രവർത്തകർ അന്നൗൻസ് ചെയ്ത അന്ന് മുതൽ സൗത്ത് ഇന്ത്യൻ സിനിമ പ്രേമികൾ ഏറെ ഉറ്റുനോക്കുന്ന ചിത്രമായി കെ.ജി.എഫ് 2 മാറി. ബോളിവുഡ് താരം സഞ്ജയ് ദത്താണ് ചിത്രത്തിൽ പ്രതിനായകനായി വേഷമിടുന്നത്. കെ.ജി.എഫിന്റെ ലൊക്കേഷൻ വിഡിയോയാണ് ഇപ്പോൾ സമൂഹ മാധ്യമങ്ങളിൽ തരംഗം സൃഷ്ട്ടിക്കുന്നത്.

കടൽ തീരത്ത് കാറുകൾ കൊണ്ട് വളഞ്ഞു നിൽക്കുന്ന റോക്കി ഭായിയുടെ ദൃശ്യങ്ങളാണ് പുറത്തു വന്നിരിക്കുന്നത്. ഒരു വമ്പൻ മാസ്സ് രംഗത്തിന്റെ ചിത്രീകരണ വിഡിയോയാണ് ഇപ്പോൾ ലീക്ക് ആയിരിക്കുന്നത്. നെഞ്ചും വിരിച്ചു നിൽക്കുന്ന റോക്കി ഭായിയുടെ കൂടെ നായികയേയും കാണാൻ സാധിക്കും. ശ്രീനിധി ഷെട്ടിയാണ് ചിത്രത്തിൽ നായിക വേഷം കൈകാര്യം ചെയ്തിരിക്കുന്നത്. കെ.ജി.എഫ് രണ്ടാം ഭാഗത്തിന്റെ ഷൂട്ടിംഗ് ഭൂരിഭാഗവും കൊറോണയുടെ മുമ്പ് തന്നെ തീർത്തിരുന്നു.

എത്രെയും പെട്ടെന്ന് ഷൂട്ടിംഗ് പൂർത്തിയാക്കി പോസ്റ്റ് പ്രൊഡക്ഷൻ വർക്കുകൾ ആരംഭിക്കും എന്നാണ് റിപ്പോർട്ടുകൾ സൂചിപ്പിക്കുന്നത്. മലയാളം, തമിഴ്, തെലുഗ്, ഹിന്ദി, കന്നഡ എന്നീ ഭാഷകളിൽ ചിത്രം പ്രദർശനത്തിനെത്തും. ഹോംബാലെ ഫിലിംസിന്റെ ബാനറിൽ വിജയ് കിരഗണ്ടറാണ് ചിത്രം നിർമ്മിച്ചിരിക്കുന്നത്. രവി ബസ്രൂറാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്.