ഉലക നായകൻ കമൽ ഹാസൻ നായകനായെത്തി ബ്ലോക്ക്ബസ്റ്റർ വിജയം നേടിയ പുതിയ ചിത്രമാണ് വിക്രം. ലോകേഷ് കനകരാജ് സംവിധാനം ചെയ്ത ഈ ചിത്രത്തിൽ കമൽ ഹാസൻ പാടിയ പത്തല പത്തല എന്ന ഗാനവും വമ്പൻ ഹിറ്റായിരുന്നു. അനിരുദ്ധ് രവിചന്ദർ ഈണം പകർന്ന ആ ഗാനം രചിച്ചതും കമൽ ഹാസനാണ്. അതിലെ അദ്ദേഹത്തിന്റെ നൃത്തവും ആരാധകർ ആവേശത്തോടെയാണ് സ്വീകരിച്ചത്. ഈ അടുത്തിടെ ആ ഗാനം ഒരു കുടത്തിൽ താളം പിടിച്ചു പാടിയ തിരുമൂർത്തി എന്ന ഗായകന്റെ വീഡിയോ സോഷ്യൽ മീഡിയയിൽ വൈറലായി മാറിയിരുന്നു. കമൽ ഹാസൻ പാടിയത് പോലെ തന്നെ വളരെ മനോഹരമായാണ് തിരുമൂർത്തിയും ആ ഗാനം പാടിയത്. ആ വീഡിയോ കമൽ ഹാസന്റെ മുന്നിലുമെത്തി. ഇപ്പോഴിതാ പത്തല പത്തല പാടി വൈറൽ ആയ തിരുമൂർത്തിയെ നേരിൽ കണ്ട് അഭിനന്ദിക്കാനെത്തിയിരിക്കുകയാണ് ഉലക നായകൻ. അദ്ദേഹം തിരുമൂർത്തിയെ കാണാൻ ചെന്ന വീഡിയോയും സോഷ്യൽ മീഡിയയിൽ നിറയുകയാണ്.
തിരുമൂർത്തിയെ നേരിൽ കണ്ട അദ്ദേഹം തിരുമൂർത്തിക്കൊപ്പം കുറച്ചു സമയം ചിലവിടുകയും ചെയ്തു. കമൽ ഹാസന്റെ മുന്നിലിരുന്നു തന്നെ ഒരു ബക്കറ്റിൽ താളം പിടിച്ചു കൊണ്ട് തിരുമൂർത്തി ആ ഗാനം മനോഹരമായി പാടി കേൾപ്പിക്കുകയും ചെയ്തു. എ ആർ റഹ്മാന്റെ സംഗീത സ്കൂളിൽ തിരുമൂർത്തിയെ ചേർക്കാമെന്നും അതിനുള്ള മുഴുവൻ ചെലവുകളും താൻ വഹിക്കുമെന്നും കൂടി വാക്ക് കൊടുത്തിട്ടാണ് ഉലക നായകൻ മടങ്ങിയത്. കമൽ ഹാസന്റെ ഈ മനസ്സിന് ഇപ്പോൾ വലിയ കയ്യടിയാണ് സോഷ്യൽ മീഡിയ നൽകുന്നത്. കമൽ ഹാസൻ തന്റെ രാജ് കമൽ ഫിലിംസ് ഇന്റർനാഷനലിന്റെ ബാനറിൽ നിർമ്മിച്ചിരിക്കുന്ന വിക്രം ഇപ്പോൾ തമിഴിലെ ഇൻഡസ്ട്രി ഹിറ്റായി മാറിക്കഴിഞ്ഞു. നാനൂറു കോടിയിലേക്കാണ് വിക്രത്തിന്റെ ആഗോള കളക്ഷൻ കുതിക്കുന്നത്.
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന മജു ചിത്രം 'പെരുമാനി'യിലെ ആദ്യ ഗാനം…
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
This website uses cookies.