വൈറൽ നൃത്തവുമായി കല്യാണി; വീഡിയോ കാണാം

പ്രശസ്ത മലയാള നടി ബിന്ദു പണിക്കരുടെ മകളാണ് കല്യാണി. സോഷ്യൽ മീഡിയയിൽ ഏറെ സജീവമായ കല്യാണി നടിയും മോഡലും ഒപ്പം മികച്ച നർത്തകിയുമാണ്. ഇൻസ്റ്റാഗ്രാം റീൽ വീഡിയോയിലൂടെ കല്യാണിയുടെ നൃത്തം സോഷ്യൽ മീഡിയയിൽ വൈറലായി മാറാറുണ്ട്. ഇപ്പോഴിതാ മറ്റൊരു വൈറൽ നൃത്തവുമായി എത്തിയിരിക്കുകയാണ് ഈ താരം. മാധുരി ദിക്ഷിത് അഭിനയിച്ച ആജാ നച്ചലെ എന്ന ചിത്രത്തിന്റെ സൂപ്പർ ഹിറ്റായ ടൈറ്റിൽ സോങിനാണ് കല്യാണി ഇത്തവണ ചുവട് വെക്കുന്നത്. ചുവന്ന സാരിയിൽ അതീവ സുന്ദരിയായാണ് കല്യാണി ഈ വീഡിയോയിൽ എത്തിയിരിക്കുന്നത്. ഏതായാലും ഇപ്പോൾ തന്നെ ഒട്ടേറെ ആരാധകരുള്ള ഈ കലാകാരി വൈകാതെ തന്നെ മലയാള സിനിമയിൽ സ്വന്തമായി ഒരിടമുണ്ടാക്കുമെന്ന പ്രതീക്ഷയിലാണ് ആരാധകർ.

ബിന്ദു പണിക്കരുടെ ആദ്യ ഭർത്താവായ ബിജു വി നായരിൽ ജനിച്ച മകളാണ് കല്യാണി. ബിജു വി നായരുടെ മരണ ശേഷം ബിന്ദു പണിക്കർ നടൻ സായ് കുമാറിനെ വിവാഹം കഴിച്ചിരുന്നു. ടിക് ടോക്ക് വീഡിയോകളിലൂടെ ധാരാളം ആരാധകരെ നേടിയ കല്യാണി, സായ് കുമാറിനും ബിന്ദു പണിക്കർക്കും ഒപ്പം ചെയ്ത ടിക് ടോക് വീഡിയോകൾ സോഷ്യൽ മീഡിയയിൽ സൂപ്പർ ഹിറ്റാണ്. ടിക് ടോക്കില്‍ തന്നെ താരമാക്കിയത് അച്ഛനും അമ്മയുമാണെന്നാണ് കല്യാണി പറഞ്ഞിട്ടുള്ളത്. മോഡലിംഗിൽ ഏറെ സജീവമായ കല്യാണിയുടെ ഫോട്ടോഷൂട്ട് ചിത്രങ്ങൾ എപ്പോഴും ശ്രദ്ധ നേടാറുണ്ട്. ഏറ്റവും പുതിയ ഫാഷൻ ഫോളോ ചെയ്യുന്ന കല്യാണി നാടൻ വസ്ത്രങ്ങളിലും മോഡേണ് വസ്ത്രങ്ങളിലും ഒരുപോലെ തിളങ്ങുന്ന ആൾ കൂടിയാണ്. ഡബ്സ്മാഷിലൂടെയാണ് കല്യാണി ആദ്യം ശ്രദ്ധ നേടിയത്. അതിന് ശേഷമാണ് ഈ താരം ഇൻസ്റ്റാഗ്രാമിൽ സജീവമായത്.