അവൾ വന്നത് തിരിച്ചു പോകാൻ തന്നെയായിരുന്നു, എന്നാൽ ഇങ്ങനെയായിരുന്നില്ല; നെഞ്ചിൽ തൊട്ട് ജനഗണമന; വീഡിയോ കാണാം..!

യുവ സൂപ്പർ താരം പൃഥ്വിരാജ് സുകുമാരൻ, സുരാജ് വെഞ്ഞാറമൂട് എന്നിവരെ നായകമാരാക്കി ഡിജോ ജോസ് ആന്റണി സംവിധാനം ചെയ്ത ജനഗണമന എന്ന ചിത്രം ഇപ്പോൾ വമ്പൻ വിജയം നേടിയാണ് മുന്നേറുന്നത്. ഷാരിസ് മുഹമ്മദ് തിരക്കഥ രചിച്ച ഈ ചിത്രം ആറ് ദിവസം കൊണ്ട് ഇരുപത് കോടിക്ക് മുകളിൽ ആഗോള കളക്ഷൻ നേടിയാണ് മുന്നേറുന്നത്. ഇതിന്റെ വിജയം ആഘോഷിച്ചു കൊണ്ട് പുറത്തുവിട്ട പുതിയ ടീസർ ഇപ്പോൾ സോഷ്യൽ മീഡിയയിൽ തരംഗമാവുകയാണ്. നേരത്തെ പുറത്തുവന്ന ഇതിന്റെ ടീസറും ട്രെയ്ലറും നമ്മുക്ക് കാണിച്ചു തന്നത് ഇതിന്റെ രണ്ടാം ഭാഗത്തിലെ രംഗങ്ങളായിരുന്നുവെങ്കിൽ, ഇപ്പോൾ പുറത്തു വന്ന ടീസറിൽ ആദ്യ ഭാഗത്തിലെ ഒരു നിർണ്ണായക രംഗമാണ് ഉൾപ്പെടുത്തിയിരിക്കുന്നത്. അരവിന്ദ് സ്വാമിനാഥൻ എന്ന പൃഥ്വിരാജ് കഥാപാത്രത്തിന്റെ ശ്കതമായ ഒരു ഡയലോഗാണ് ഈ ടീസറിന്റെ ഹൈലൈറ്റ്.

സാജൻ കുമാർ എന്ന പോലീസ് ഓഫീസർ ആയാണ് സുരാജ് വെഞ്ഞാറമ്മൂട് ഈ ചിത്രത്തിൽ അഭിനയിച്ചിരിക്കുന്നത്. പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ പൃഥ്വിരാജ് സുകുമാരൻ, ലിസ്റ്റിൻ സ്റ്റീഫൻ എന്നിവരാണ് ഈ ചിത്രം നിർമ്മിച്ചിരിക്കുന്നത്. മമത മോഹൻദാസ്, സിദ്ദിഖ്, വിൻസി അലോഷ്യസ്, ശാരി, ബെൻസി മാത്യൂസ്, ലിറ്റിൽ ദർശൻ, ആനന്ദ് ബാൽ, ധ്രുവൻ, ജി എം സുന്ദർ, ഹരികൃഷ്ണൻ, ശ്രീ ദിവ്യ, ഐശ്വര്യ അനിൽകുമാർ, യദു വിശാഖ്, വിഷ്ണു കെ വിജയൻ, ദിവ്യ കൃഷ്ണൻ, വൈഷ്ണവി വേണുഗോപാൽ എന്നിവരാണ് ഈ ചിത്രത്തിന്റെ താരനിരയിലുള്ള മറ്റു പ്രധാന താരങ്ങൾ. ജേക്സ് ബിജോയാണ് ഈ ചിത്രത്തിലെ ഗാനങ്ങളൊരുക്കിയതും, ഇതിനു പശ്ചാത്തല സംഗീതം നൽകിയതും. സുദീപ് ഏലമണ്‍ ഛായാഗ്രഹണം നിർവഹിച്ച ഈ ചിത്രം എഡിറ്റ് ചെയ്തത് ശ്രീജിത്ത് സാരംഗാണ്.