മരക്കാരിലെ ഏറ്റവും മനോഹരമായ ഗാനം ഇത് തന്നെ; ഇളവെയിൽ ഗാനത്തിന് വലിയ വരവേൽപ്പ്; വീഡിയോ കാണാം..!

കംപ്ലീറ്റ് ആക്ടർ മോഹൻലാൽ നായകനായ മരക്കാർ അറബിക്കടലിന്റെ സിംഹം എന്ന ചിത്രത്തിലെ പുതിയ ഗാനം ഇന്ന് റിലീസ് ആയിരിക്കുകയാണ്. ഇളവെയിൽ എന്ന് തുടങ്ങുന്ന ഈ ഗാനം ആലപിച്ചിരിക്കുന്നത് എം ജി ശ്രീകുമാറും ശ്രേയ ഘോഷാലുമാണ്. അതിമനോഹരമായ ഗാനമെന്നാണ് ഇത് കേട്ട ഓരോരുത്തരും അഭിപ്രായപ്പെടുന്നത്. പ്രഭാ വർമ്മ വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് റോണി റാഫേൽ ആണ്. അഞ്ചു ഭാഷകളിൽ ആയി റിലീസ് ചെയ്തിരിക്കുന്ന ഈ ഗാനത്തിന്റെ തമിഴ്, തെലുങ്കു, ഹിന്ദി, കന്നഡ വേർഷനുകൾ ആലപിച്ചിരിക്കുന്നത് സത്യ പ്രകാശും ചിന്മയിയുമാണ്. ഇതിനു മുൻപ് മരക്കാരിലെ മൂന്നു ഗാനങ്ങൾ ആണ് റിലീസ് ചെയ്തത്. അത് മൂന്നും പ്രേക്ഷക പ്രീതി നേടിയെടുത്തെങ്കിലും ഇതുവരെ വന്നതിൽ ഏറ്റവും മികച്ചു നിൽക്കുന്നത് ഇളവെയിൽ എന്ന ഗാനമാണ് എന്നാണ് അഭിപ്രായങ്ങൾ വരുന്നത്. കുഞ്ഞു കുഞ്ഞാലിക്കു ഒന്നുറങ്ങേണം എന്ന താരാട്ടു പാട്ടും, കണ്ണിൽ എന്റെ എന്ന് തുടങ്ങുന്ന ഗാനവും ചെമ്പിന്റെ ചേലുള്ള എന്ന് തുടങ്ങുന്ന ഗാനവുമാണ് മുൻപ് പുറത്തു വന്നത്.

ഇളവെയിൽ എന്ന ഗാനത്തിന്റെയും ലിറിക്കൽ വീഡിയോ ആണ് റിലീസ് ചെയ്തിരിക്കുന്നത്. വീഡിയോ ഗാനമായി പുറത്തു വന്നത് കണ്ണിൽ എന്റെ എന്ന് തുടങ്ങുന്ന ഗാനം മാത്രമാണ്. ഒരു സോങ് ടീസർ മാത്രമായിരുന്നു അത്. പ്രണവ് മോഹൻലാൽ, കല്യാണി പ്രിയദർശൻ എന്നിവർ അഭിനയിച്ചിരിക്കുന്ന ഒരു പ്രണയ ഗാനമായാണ് അതൊരുക്കിയത്. പ്രിയദർശൻ സംവിധാനം ചെയ്ത ഈ ചിത്രം മലയാളത്തിലെ ഏറ്റവും വലിയ ചിത്രമാണ്. ഡിസംബർ രണ്ടിന് റിലീസ് ചെയ്യാൻ പോകുന്ന ഈ ചിത്രം ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് നിർമ്മിച്ചിരിക്കുന്നത്.