ജനപ്രിയ നായകനെ കാണാൻ തിരുവനന്തപുരത്ത് ജനസാഗരം..!

ജനപ്രിയ നായകൻ ദിലീപ് നായകനായ കോടതി സമക്ഷം ബാലൻ വക്കീൽ എന്ന  പുതിയ ചിത്രം  വമ്പൻ വിജയം നേടി മുന്നേറുകയാണ് ഇപ്പോൾ. പ്രശസ്ത സംവിധായകൻ ബി ഉണ്ണികൃഷ്ണൻ രചനയും സംവിധാനവും നിർവഹിച്ച ഈ ചിത്രം എല്ലാത്തരം പ്രേക്ഷകരെയും രസിപ്പിച്ചു കൊണ്ട് ബോക്‌സ് ഓഫീസിൽ തകർപ്പൻ കളക്ഷൻ ആണ് നേടുന്നത്. ഇന്നലെ ഈ ചിത്രത്തിൻറെ പ്രചരണാർത്ഥം തിരുവനന്തപുരത് എത്തിയ ജനപ്രിയ നായകനും സംഘത്തിനും ആവേശോജ്വലമായ സ്വീകരണം ആണ് ആരാധകർ ഒരുക്കിയത്. വമ്പൻ ജനസാഗരം ആണ് ജനപ്രിയ നായകനെ കാണാൻ തിരുവനന്തപുരത്തു തടിച്ചു കൂടിയത്. ആരാധകർക്കൊപ്പം സെല്ഫിയുമെടുത്ത ദിലീപ് ചിത്രത്തിലെ സംഭാഷണങ്ങളും പറഞ്ഞു കയ്യടി നേടി.

ഒരു വലിയ ഇടവേളക്കു ശേഷം ദിലീപ് പങ്കെടുത്ത ഈ പൊതു പരിപാടിയിൽ സംവിധായകൻ ബി ഉണ്ണികൃഷ്ണനും ദിലീപിനൊപ്പം എത്തിയിരുന്നു. മമത മോഹൻദാസ് നായികാ വേഷത്തിൽ എത്തിയ ഈ ചിത്രത്തിൽ സിദ്ദിഖ്, സുരാജ്, അജു വർഗീസ് എന്നിവരും കയ്യടി നേടിയെടുത്തു. കുടുംബ പ്രേക്ഷകരും യുവാക്കളും എല്ലാം ഒരുപോലെ സ്വീകരിക്കുന്ന ഈ ചിത്രം ബോളിവുഡ് നിർമ്മാണ കമ്പനി ആയ വയാകോം മോഷൻ പിക്ചേഴ്‌സ് ആണ്  നിർമ്മിച്ചിരിക്കുന്നത്. ഈ വർഷത്തെ മലയാള സിനിമയിലെ ഇതു വരെ ഉള്ള ഏറ്റവും വലിയ വിജയത്തിലേക്ക് ആണ് കോടതി സമക്ഷം ബാലൻ വക്കീൽ കുതിക്കുന്നത്‌. പ്രിയ ആനന്ദ്, സൈജു കുറുപ്പ്, രഞ്ജി പണിക്കർ, ബിന്ദു പണിക്കർ, ഭീമൻ രഘു, ലെന, ഗണേഷ് കുമാർ എന്നിവരും ഈ ചിത്രത്തിൻറെ താര നിരയിൽ ഉണ്ട്. ഗോപി സുന്ദർ, രാഹുൽ രാജ് എന്നിവർ സംഗീതം ഒരുക്കിയ ഈ ചിത്രത്തിന് കാമറ ചലിപ്പിച്ചത് അഖിൽ ജോർജ് ആണ്.