നൂറിൻ ഷെരീഫിന്റെ ആദ്യ തെലുങ്കു ചിത്രത്തിന്റെ ട്രൈലെർ എത്തി

ഒരു അടാർ ലവ് എന്ന ഒമർ ലുലു ചിത്രത്തിലൂടെ മലയാള സിനിമയിൽ എത്തിയ നടി ആണ് നൂറിൻ ഷെരീഫ്. ആ ചിത്രത്തിലെ മികച്ച പ്രകടനം ഈ നടിക്ക് നേടിക്കൊടുത്തത് ഒട്ടേറെ ആരാധകരേയും അതുപോലെ കൈ നിറയേ അവസരങ്ങളും ആണ്. ഒമർ ലുലുവിന്റെ പുതിയ ചിത്രമായ ധമാക്കയിൽ അതിഥി വേഷത്തിലും നൂറിൻ ഷെരീഫ് പ്രത്യക്ഷപ്പെട്ടിരുന്നു. അതിൽ നൂറിൻ നൃത്തം ചെയ്യുന്ന ഗാനം ഇപ്പോൾ സൂപ്പർ ഹിറ്റാണ്. ഇപ്പോഴിതാ ഈ നടി ആദ്യമായി അഭിനയിച്ച തെലുങ്കു ചിത്രത്തിന്റെ ട്രൈലെർ എത്തിയിരിക്കുകയാണ്. വലിയ സ്വീകരണം ആണ് പ്രേക്ഷകർ ഈ ട്രെയിലറിന് ഇപ്പോൾ നൽകുന്നത്. ഊലാല ഊലാല എന്ന് പേരിട്ടിരിക്കുന്ന ഈ ചിത്രത്തിന്റെ ട്രൈലെർ കിടിലൻ ആയിട്ടുണ്ട് എന്നാണ് പ്രേക്ഷകർ അഭിപ്രായപ്പെടുന്നത്.

വളരെ വ്യത്യസ്തമായ ലുക്കിൽ ഈ ട്രെയ്ലറിൽ പ്രത്യക്ഷപ്പെട്ടിരിക്കുന്ന നൂറിൻ പ്രേക്ഷകരുടെ ശ്രദ്ധ നേടിയെടുക്കുന്നുണ്ട്. സോഷ്യൽ മീഡിയയിൽ ഇപ്പോൾ ട്രെൻഡ് ചെയ്യുകയാണ് ഈ ട്രൈലെർ. ഗ്ലാമർ ആയി പുത്തൻ മേക് ഓവറിൽ ആണ് നൂറിൻ ഈ ചിത്രത്തിൽ പ്രത്യക്ഷപ്പെട്ടിരിക്കുന്നത്. നൂറിൻ ഗ്ലാമർ വേഷത്തിൽ എത്തിയിരിക്കുന്ന ഈ ചിത്രം സംവിധാനം ചെയ്തത് സത്യപ്രകാശ് ആണ്. നടരാജ്, അങ്കിത മഹാറാണ എന്നിവരും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ജോയ് റയലാറാ സംഗീതം ഒരുക്കിയ ഈ ചിത്രം നിർമ്മിച്ചിരിക്കുന്നത് അട്ടാരി ഗുരുരാജ് ആണ്. ഈ ചിത്രം ശ്രദ്ധിക്കപെട്ടാൽ നൂറിന് തെലുങ്കിൽ നിന്നും കൈ നിറയേ അവസരങ്ങൾ ലഭിക്കും എന്നുറപ്പാണ്. ഏതായാലും മലയാളം കടന്നു മറ്റു സൗത്ത് ഇന്ത്യൻ ഭാഷകളിലും തന്റെ സാന്നിധ്യം ഉറപ്പിക്കുകയാണ് മലയാളികളുടെ സ്വന്തം നൂറിൻ ഷെരീഫ്.