ദി സെക്സിയസ്റ്റ് ഗോസ്റ്റ് ഈസ് ബാക്ക്; ഇരണ്ടാം കുത്തു ടീസർ പുറത്തിറങ്ങി..

തമിഴ് സിനിമ ലോകത്ത് എല്ലാത്തരം ജോണറിലുള്ള ചിത്രങ്ങൾ സിനിമ പ്രേമികൾ സ്വീകരിക്കാറുണ്ട്. കഥാമൂല്യമുള്ള ചിത്രങ്ങൾ മുതൽ അഡൽട്ട് കോമഡി ചിത്രങ്ങൾ വരെ ഏറെ ശ്രദ്ധിക്കപ്പെടാറുണ്ട്. തമിഴകത്ത് ഏറെ ആഘോഷമാക്കിയ അഡൽട്ട് ഹൊറർ കോമഡി ചിത്രമാണ് ഇരുട്ടു അറയിലെ മുരട്ടു കുത്തു. മുഴുനീള കോമഡി ചിത്രത്തിൽ ഹൊറർ എലമെന്റ്‌സും ഡബിൾ മീനിങ് ഡയലോഗുകളുമായിരുന്നു നിറഞ്ഞുനിന്നിരുന്നത്. ഇരുട്ട് അറയിലെ മുരട്ടു കുത്തു എന്ന സിനിമയുടെ വിജയത്തിന് ശേഷം ചിത്രത്തിന്റെ രണ്ടാം ഭാഗം ഫസ്റ്റ് ലുക്ക് പോസ്റ്ററിലൂടെ അന്നൗൻസ് ചെയ്തിരുന്നു. ഇരണ്ടാം കുത്തു എന്ന പേരിൽ വരുന്ന രണ്ടാം ഭാഗം സംവിധാനം ചെയ്തിരിക്കുന്നത് സന്തോഷ് പി ജയ്കുമാറാണ്. സിനിമ പ്രേമികൾ ഏറെ പ്രതീക്ഷയോടെ കാത്തിരുന്ന ചിത്രത്തിന്റെ ടീസർ അണിയറ പ്രവർത്തകർ പുറത്തുവിട്ടിരിക്കുകയാണ്.

ആദ്യ ഭാഗത്തെ പോലെ തന്നെ ഡബിൾ മീനിങ് ഡയലോഗുകൾ കൊണ്ടും അഡൽട്ട് കണ്ടെന്റ് കൊണ്ടും ടീസർ സമ്പന്നമാണ്. ഒരുപാട് ഹാസ്യ രംഗങ്ങൾ ടീസറിൽ തന്നെ കാണാൻ സാധിക്കും. ആദ്യ ഭാഗത്തെ പോലെ യുവാക്കൾ ആഘോഷമാക്കും എന്ന കാര്യത്തിൽ തീർച്ച. ഫ്ലയിങ് ഹോർസ് പിക്ചേർസിന്റെ ബാനറിലാണ് ചിത്രം അണിയിച്ചൊരുക്കുന്നത്. സന്തോഷ് പി ജയകുമാർ, കരിഷ്മ കൗൾ, ആകൃതി സിങ്, മീനൽ സാഹു, ഡാനിയൽ, രാജേന്ദ്രൻ, രവി മരിയ, സിംഗം പുലി, സ്വാമിനാഥൻ, ശാലു ശമു തുടങ്ങിയവർ ചിത്രത്തിൽ പ്രധാന വേഷത്തിൽ പ്രത്യക്ഷപ്പെടുന്നുണ്ട്. പ്രസാദ് എസ്.എനാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. ഭല്ലുവാണ് ക്യാമറ കൈകാര്യം ചെയ്തിരിക്കുന്നത്. പോസ്റ്റ് പ്രൊഡക്ഷൻ വർക്കുകൾ പൂർത്തിയാക്കിയ ചിത്രം വൈകാതെ റിലീസിനെത്തും.